ডিজিটেল ডেস্কঃ কৰ্ণাটকৰ বৰ্তমানৰ আৰক্ষী সঞ্চালক প্ৰধান প্ৰবীণ ছুদক কেন্দ্ৰীয় তদন্তকাৰী সংস্থা তথা চিবিআইৰ পৰৱৰ্তী সঞ্চালক হিচাপে নিযুক্তি দিয়া হৈছে। বৰ্তমানৰ চিবিআইৰ মুৰব্বী সুবোধ কুমাৰ জয়ছৱালৰ কাৰ্যকাল সম্পূৰ্ণ হোৱাৰ পিছত ২৫ মে’ত দায়িত্ব ল’ব ছুদে।
উল্লেখ্য যে দুবছৰৰ বাবে পৰৱৰ্তী কেন্দ্ৰীয় তদন্তকাৰী ব্যুৰোৰ সঞ্চালক হিচাপে প্ৰবীণ ছুদক নিযুক্তি দিয়া হৈছে। প্ৰধানমন্ত্ৰী, ভাৰতৰ মুখ্য ন্যায়াধীশ আৰু লোকসভাৰ বিৰোধী দলপতিৰে গঠিত এখন উচ্চ পৰ্যায়ৰ কমিটীয়ে এই পদবীৰ বাবে প্ৰাৰ্থীক নিৰ্বাচিত কৰে। এই কাৰ্যকাল পাঁচ বছৰলৈ বৃদ্ধি কৰিব পাৰিব।
আনহাতে আইপিএছ বিষয়া প্ৰবীণ ছুদ হৈছে কৰ্ণাটক কেডাৰৰ ১৯৮৫ বেটচৰ বিষয়া। কৰ্ণাটকৰ ডিজিপি হিচাপে তেওঁ অশিত মোহন প্ৰসাদৰ স্থান দখল কৰি ২০২০ চনৰ জানুৱাৰী মাহত নিযুক্তি লাভ কৰিছিল।
Continue Reading
