ডিজিটেল ডেস্ক: হাৰিয়ানাৰ পানীপাটৰ তহচিল কেম্পৰ ৰাধা ফেক্টৰীৰ সমীপত বৃহস্পতিবাৰে পুৱা এক বৃহৎ দুৰ্ঘটনা সংঘটিত হয়। এখন ঘৰত গেছ চিলিণ্ডাৰটো লিক হোৱাৰ বাবে গোটেই ঘৰটো জুইৰ কবলত পৰিল। সেই সময়ত স্বামী-স্ত্ৰী আৰু ৪টা সন্তান ঘৰৰ ভিতৰত বিচনাত শুই আছিল।
জুই ইমান বেগেৰে বিয়পি পৰিল যে বিচনাত শুই থকা সকলোৱেই কংকাল হৈ পৰিল। ভিতৰৰ পৰা ওলাবলৈ বা হুলস্থুল কৰিবলৈও সুযোগো নাপালে তেওঁলোকে। দুৰ্ঘটনাটো গম পোৱাৰ লগে লগে তাত এক হুলস্থুলীয়া পৰিবেশৰ সৃষ্টি হয়। ওচৰ-চুবুৰীয়াই তাত উপস্থিত হোৱাৰ সময়লৈকে সকলো শেষ হৈ পৰিছিল। ঘটনাস্থলীত উপস্থিত হোৱাৰ পাছতে সমগ্ৰ ঘটনাৰ তদন্ত অব্যাহত ৰাখিছে আৰক্ষীয়ে।
প্ৰাথমিক তদন্তৰ অন্তত আৰক্ষী অধীক্ষক শশাংক কুমাৰ সাৱনে কয় যে এই দুৰ্ঘটনা চিলিণ্ডাৰ ফাটি যোৱাৰ বাবে নহয় বৰঞ্চ চিলিণ্ডাৰ লিক হোৱাৰ বাবে সংঘটিত হৈছে। আৰক্ষীয়ে এই সমগ্ৰ বিষয়টোৰ তদন্ত অব্যাহত ৰাখিছে। ঘটনাস্থলীতে ফৰেনছিক দলক মাতি অনা হৈছে।
নিহতসকলৰ ভিতৰত আছে স্বামী-স্ত্ৰী আৰু ৪টা সন্তান। শিশুসকলৰ ভিতৰত ২ গৰাকী ছোৱালী আৰু ২টা ল’ৰা আছে। নিহত দুজন হৈছে আব্দুল কৰিম (৫০), তেওঁৰ পত্নী আফৰোজা (৪৬), জ্যেষ্ঠ কন্যা ইশ্ৰত খাতুন (১৭-১৮), ৰেছমা (১৬), আব্দুল ছাকুৰ (১০) আৰু আফান (৭)। তেওঁ পশ্চিম বংগৰ উত্তৰ দিনাজপুৰৰ বাসিন্দা আছিল। বৰ্তমান পৰিয়ালটো ৪ নং গালিৰ কেচি(KC)চ'কৰ বধৱা ৰাম কলনীত বাস কৰিছিল।
দুৰ্ঘটনাটোৰ তথ্য লাভ কৰাৰ লগে লগে থিতাতে স্থানীয় লোকৰ ভিৰ হয়। একে সময়তে দুৰ্ঘটনাটোৰ বিষয়ে জানিব পাৰি আৰক্ষী, অগ্নিনিৰ্বাপক বাহিনীকে ধৰি সকলো দল সেই স্থানত উপস্থিত হয়। তেওঁলোকে দিয়া তথ্য অনুসৰি সকলো জীৱিত অৱস্থাত জ্বলি গৈছিল। আৰক্ষীয়ে সমগ্ৰ অঞ্চলটো ছীল কৰিছে। কাকো ঘৰৰ ভিতৰলৈ যাবলৈ দিয়া হোৱা নাই। সমগ্ৰ দুৰ্ঘটনাটোৰ তদন্ত চলি আছে যে সকলোবোৰ জীৱন্তে সম্পূৰ্ণৰূপে কিয় জ্বলি গৈছিল বা তেওঁলোকৰ কোনোৱেও কিয় বাচিব নোৱাৰিলে।
Continue Reading
