শৰীৰত নাই এখনো বস্ত্ৰ চিকাৰৰ বাবে ব্যৱহাৰ কৰে ধনু-কাঁড়, ক’ত

ডিজিটেল ডেস্ক : ভাৰতক বৈচিত্ৰ্যৰেপূৰ্ণ দেশ বুলি কোৱা হয়। ইয়াত বিভিন্ন ধৰণৰ সভ্যতা-সংস্কৃতি দেখা পোৱা যায়। ভাৰতত পূবৰ পৰা পশ্চিমলৈ আৰু উত্তৰৰ পৰা দক্ষিণলৈ এনে বহুতো সম্প্ৰদায় দেখা যায়, যাৰ পাৰস্পৰিক সংস্কৃতিৰ কোনো মিল নাই। কিন্তু এই সকলোবোৰ সম্প্ৰদায়ে পৃথিৱীৰ লগত খোজ মিলাই সমানে আগবাঢ়িছে। ভাৰতে মহাকাশ জয় কৰিবলৈ সাজু হৈছে, কিন্তু আজিও এনে এটা সম্প্ৰদায় আছে যিয়ে আদিম যুগৰ মানুহৰ দৰে জীৱন-যাপন কৰি আছে। তেওঁলোকৰ শৰীৰত এখনো কাপোৰ নাথাকে আৰু চিকাৰৰ বাবে ধনু-কাঁড় ব্যৱহাৰ কৰে। ভাৰতৰ আন্দামান দ্বীপপুঞ্জত বাস কৰা জাৰাৱা নামৰ এই জনগোষ্ঠী, যিসকলে এতিয়াও হাজাৰ হাজাৰ বছৰ ধৰি পিছ পৰি আছে।

 তেওঁলোকৰ বিশেষত্ব কি?

‘আন্দামান আৰু নিকোবৰ দ্বীপপুঞ্জ (পৰ্যটন বাণিজ্য) নিয়মাৱলী, ২০১৪’ অনুসৰি কোনো বাহিৰৰ লোকে এই জনগোষ্ঠীক লগ কৰিব নোৱাৰে। যদি জাৰাৱা জনগোষ্ঠীৰ বৰ্তমানৰ অৱস্থা দেখা যায়, তেন্তে বৰ্তমান ইয়াৰ অৱস্থা অতি সংকটজনক। বৰ্তমান ইহঁতৰ জনসংখ্যা প্ৰায় ৩৮০ৰ পৰা ৪০০। এই জনগোষ্ঠীয়ে বিগত ৫৫ হাজাৰ বছৰ ধৰি ভাৰত মহাসাগৰৰ দ্বীপসমূহত বসবাস কৰি আহিছে। হাজাৰ হাজাৰ বছৰৰ আগতে এই লোকসকল আফ্ৰিকাৰ পৰা আহি ইয়াত বসতি স্থাপন কৰিছিল।

 উল্লেখ্য যে পৃথিৱীৰ আটাইতকৈ পুৰণি জনগোষ্ঠী আৰু তেওঁলোকে এতিয়াও চিকাৰ কৰি জীৱন-নিৰ্বাহ কৰে। আন্দামান আৰু নিকোবৰ প্ৰশাসনে এই জনগোষ্ঠীৰ যিকোনো ধৰণৰ ছবি ছ’চিয়েল মিডিয়াত পোষ্ট কৰাটো অপৰাধ হিচাপে গণ্য কৰে। এই সন্দৰ্ভত প্ৰশাসনে ২০১৭ বৰ্ষতো এক প্ৰেছ বিজ্ঞপ্তি জাৰি কৰিছিল, য’ত কোৱা হৈছিল যে যদি কোনো ব্যক্তিয়ে এই নিয়ম উলংঘা কৰে তেন্তে তেওঁক ৩ বছৰ পৰ্যন্ত শাস্তি বিহা হ’ব।

 জাৰাৱা নেগ্ৰিটো সম্প্ৰদায়ৰ এটা জনগোষ্ঠী-

সাধাৰণতে আন্দামান আৰু নিকোবৰ দ্বীপপুঞ্জত ৬টা জনজাতীয় জনজাতি বাস কৰে। জাৰাৱা জনগোষ্ঠীৰ কথা ক’বলৈ গ’লে ইয়াক নেগ্ৰিটো সম্প্ৰদায়ৰ জনগোষ্ঠী বুলি কোৱা হয়। জাৰাৱা জনজাতি বাস কৰা ঠাইখনক ১৯৭৯ চনত অধিসূচনাৰ জৰিয়তে জনজাতি সংৰক্ষিত এলেকাৰ মৰ্যাদা দিয়া হৈছিল।