ডিজিটেল ডেস্কঃ আপুনি জানেনে যে সামান্য চিংৰাই আপোনাক কোটিপতি কৰি তুলিব পাৰে? হাঁহিবলগীয়া কথা যেন লাগিলেও কিন্তু ঠিক তেনেকুৱাই হ’ল। দেশৰ চফটৱেৰ ৰাজধানী বেংগালুৰুত বাস কৰা এহাল দম্পতীয়ে সৰু সৰু চিংৰা বিক্ৰী কৰি দৈনিক লাখ লাখ টকা উপাৰ্জন কৰি আছে। বাৰ্ষিক আয় ৪৫ কোটি টকা!
নিধি সিং আৰু তেওঁৰ স্বামী শিখৰবীৰ সিং। ২০১৬ চনত তেওঁ বাংগালুৰুত এখন চিংৰাৰ দোকান খুলিছিল। নাম দিয়া হৈছে 'চামোছা সিংহ'। সেইটোৱেই হৈছে আৰম্ভণি। বাকীবোৰ ইতিহাস।
বিভিন্ন সংবাদ মাধ্যমৰ বাতৰি অনুসৰি, নিধি আৰু শিখৰৰ প্ৰথম সাক্ষাৎ হৈছিল হাৰিয়ানাত। দুয়োজনে তাতেই কুৰুক্ষেত্ৰ বিশ্ববিদ্যালয়ৰ পৰা বায়’টেকন’লজীত বি.টেক কৰিছিল। তাৰপিছত চাকৰি। সেই সময়ত শিখৰে বায়’কনৰ প্ৰধান বিজ্ঞানী হিচাপে কৰ্মৰত আছিল। আনহাতে নিধিয়েও গুৰুগ্ৰামৰ এটা ঔষধ কোম্পানীৰ শীৰ্ষত কাম কৰি আছিল। দৰমহা বছৰি ৩০ লাখ টকা। কিন্তু সুখী হোৱা নাছিল। শেষত বহু চিন্তাৰ অন্তত দম্পতীহালে বাংগালুৰুত চিংৰাৰ দোকান এখন খুলিবলৈ সিদ্ধান্ত লয়। ২০১৫ চনত দুয়োজনে চাকৰি এৰি দিয়ে৷
কিন্তু ব্যৱসায়ৰ প্ৰথম দিনত জীৱনটো ইমান সহজ নাছিল। চাহিদা বঢ়াৰ লগে লগে এটা ডাঙৰ পাকঘৰৰ প্ৰয়োজন হয়। সেয়ে বহুত চিন্তা কৰি নিজৰ ঘৰটোৱেই বিক্ৰী কৰি দিয়ে দম্পত্তিহালে৷ ৮০ লাখ টকাত বিক্ৰী কৰিলে ঘৰটো। সেই টকাৰে তেওঁলোকে বাংগালুৰুৰ এটা ডাঙৰ ঠাইত পাকঘৰ এটা সাজিলে।
তাৰপাছৰে পৰা তেওঁলোকে পিছলৈ ঘূৰি চোৱা নাই! এটা প্ৰতিবেদনত কোৱা হৈছে যে সিংহ দম্পতীয়ে বৰ্তমান মাহত ৩০ হাজাৰ চিংৰা বিক্ৰী কৰে। বাৰ্ষিক আয় ৪৫ কোটি। অৰ্থাৎ দৈনিক আয় ১২ লাখ টকা।
Continue Reading
