চৰকাৰী বিষয়াৰ মোবাইল ফোনলৈ প্ৰতিবাদ জনাই বাৰ্তা প্ৰেৰণ কৰাটো অপৰাধ নহয়, কৰিব নোৱাৰি গোচৰ ৰুজু : বোম্বাই উচ্চ ন্যায়ালয়ৰ গুৰুত্বপূৰ্ণ ৰায়

ন্যায়াধীশ সুনীল শুক্ৰে আৰু এম এম সাথায়েৰ বিচাৰপীঠে অভিজিত মাইকেলৰ বিৰুদ্ধে দাখিল কৰা এজাহাৰ বাতিল কৰে৷ অভিজিত মাইকেল মুম্বাই মেট্ৰ' ৰে'ল কৰ্পোৰেচনৰ তদানীন্তন পৰিচালনা সঞ্চালক অশ্বিনী ভিদেলৈ বাৰ্তা প্ৰেৰণ কৰি চহৰখনৰ সেউজীয়া হাঁওফাঁও স্বৰূপ  আৰে কলনীত ৩,০০০ ৰো অধিক গছ কাটি নেপেলাবলৈ  আহ্বান জনাইছিল। বাৰ্তাবোৰ অধ্যয়ন কৰি ন্যায়ালয়ে উল্লেখ কৰে  যে আবেদনকাৰীৰ উদ্দেশ্য কেৱল  অৰণ্যৰ সুৰক্ষা দিয়া।  

আদালতে কয়"এই বাৰ্তাবোৰত কোনো আপত্তিজনক কথাী  বা কোনো অশ্লীলতা নাই। ইয়াৰ পৰিৱৰ্তে তেওঁ এই দেশৰ নাগৰিকৰ গণতান্ত্ৰিক অধিকাৰৰ ভিত্তিত এনে বাৰ্তা প্ৰেৰণ কৰিছে৷ যাতে তেওঁ নিজৰ দৃষ্টিভংগী আগবঢ়াব পাৰে, আপত্তি কৰিব পাৰে, প্ৰতিবাদ কৰিব পাৰে বা অনুৰোধ কৰিব পাৰে৷’’আদালতে লগতে কয়  যে যদি কাৰোবাৰ বিৰুদ্ধে এনে কাৰ্যৰ বাবে অপৰাধমূলক গোচৰ ৰুজু কৰা হৈছে তেন্তে সেয়া   এই দেশৰ নাগৰিকৰ অধিকাৰৰ ওপৰত আক্ৰমণৰ দৰে কথা  হ'ব পাৰে,"। আদালতৰ নিৰ্দেশটোত লগতে কোৱা হৈছে যে এনে অভিযোগৰ ক্ষেত্ৰত  আৰক্ষীয়ে কেতিয়াও দেশৰ কোনো সাধাৰণ নাগৰিকক ফৌজদাৰী আইনৰ অধীনত আটক  কৰিব নালাগে আৰু যদি এনে কৰে তেন্তে তেওঁৰ  কণ্ঠস্বৰ দমন কৰাৰ দৰে হ'ব। এয়া ভুল  কথা। সেয়েহে, আমি দেখিছোঁ যে আবেদনকাৰীৰ বিৰুদ্ধে ধাৰা ১৮৬  আইপিচিৰ অধীনত কোনো অপৰাধ হোৱা ।" 

মাইকেলে প্ৰেৰণ কৰা বাৰ্তাবোৰত কোৱা হৈছিল যে কুবন পাৰ্ক বাংগালুৰুৰ বাবে সেউজীয়া হাঁওফাঁওৰ দৰে,লগতে  আৰে মুম্বাইৰ বাবে সেউজীয়া হাঁওফাঁও সদৃশ । সেয়েহে, মেট্ৰ' কাৰ শ্বেড নিৰ্মাণৰ বাবে ৩,৫০০০ৰো অধিক গছ কাটিলে চহৰখনৰ সেউজীয়া পৰিবেশৰ  ওপৰত বিৰূপ প্ৰভাৱ পৰিব।  মুম্বাই আৰক্ষীৰ চাইবাৰ চেলে  অভিযোগৰ ভিত্তিত আবেদনকাৰীৰ বিৰুদ্ধে এটা গোচৰ ৰুজু কৰিছিল। বাৰ্তাবোৰ পঢ়ি আদালতে কয়  যে বাৰ্তাবোৰ  নকয়  যে আবেদনকাৰীয়ে ভিদেক চৰকাৰী কামত বাধা দিব বিচাৰিছিল ৷

সেয়েহে আদালতে অমিতাভৰ বিৰুদ্ধে দাখিল কৰা  এজাহাৰখন বাতিল কৰে আৰু ভৱিষ্যতে এনে বিষয়ত অপৰাধ পঞ্জীয়ন কৰোঁতে আৰক্ষীক সাৱধান হ'বলৈ সতৰ্ক কৰি দিয়ে । জ্যেষ্ঠ অধিবক্তা গায়ত্ৰী সিঙৰ লগতে অধিবক্তা বিজয় হীৰেমথ আৰু সূৰ্য কালে আবেদনকাৰীৰ হৈ আদালতত উপস্থিত আছিল। অতিৰিক্ত চৰকাৰী অধিবক্তা কে ভি সাষ্টে ৰাজ্য চৰকাৰক প্ৰতিনিধিত্ব কৰিছিল।