ডিজিটেল ডেস্কঃ চৰকাৰী চিকিৎসালয়ৰ পয়ালগা ৰূপ পুনৰবাৰ প্ৰকট হৈ পৰিল। ৰাজস্থানৰ এখন চৰকাৰী চিকিৎসালয়ৰ যুৱ জনৰ বয়স আইচিইউত অক্সিজেন মাস্কত জুই লগাৰ ফলত এজন ৰোগীৰ মৃত্যু হয়। মৃত্যু ঘটা যুৱকজনৰ বয়স ২৩ বছৰ।
যুৱকজন কোটাৰ এখন চৰকাৰী চিকিৎসালয়ত চিকিৎসাধীন হৈ আছিল। তেওঁক আইচিইউত ৰখা হৈছিল। তাতেই অক্সিজেন মাস্কত জুই লাগে আৰু যুৱকজনৰ মৃত্যু ঘটে। মৃত বৈভৱ শৰ্মা কোটাৰ অনন্তপুৰা তলৱাৰৰ বাসিন্দা আছিল। যুৱক জনৰ পৰিয়ালে অভিযোগ কৰিছে যে নিউ মেডিকেল কলেজ চিকিৎসালয়ৰ চিকিৎসক আৰু কৰ্মচাৰীৰ অৱহেলাৰ বাবেই যুৱকজনৰ মৃত্যু ঘটিছে।
যুৱকজনৰ পৰিয়ালে দাবী কৰিছে যে যুৱকজনৰ মুখত অক্সিজেন মাস্ক আছিল আৰু সেই মাক্সতেই জুই লাগিছিল। জানিব পৰা মতে যুৱক জনৰ মুখ আৰু বুকু জ্বলি যায়। যুৱকজনৰ পৰিয়ালৰ সদস্যসকলে ঘটনাটোৰ বিৰুদ্ধে প্ৰতিবাদ সাব্যস্ত কৰে আৰু চিকিৎসালয়খনৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে। বিজেপি আৰু কংগ্ৰেছ নেতাসকলেও চিকিৎসালয়ৰ বাহিৰত ধৰ্ণাত বহিছে।
চিকিৎসালয়ৰ অধ্যক্ষ ডাঃ সংগীতা ছাক্সেনাই কয় যে বিষয়টো তদন্ত কৰিবলৈ এখন উচ্চ-পৰ্যায়ৰ সমিতি গঠন কৰা হৈছে। অভিজ্ঞ চিকিৎসক আৰু ফৰেনচিকৰ দলে তদন্ত কৰি প্ৰাথমিকভাবে অৱহেলাৰ কথাটো ধৰা পেলাইছে। চিকিৎসালয়খনে প্ৰকাশ কৰা মতে যুৱকজন যক্ষ্মা ৰোগত আক্ৰান্ত আছিল। তেওঁৰ অৱস্থা সংকটজনক আছিল। ৰাজ্যিক মানৱ অধিকাৰ আয়োগৰ অধ্যক্ষ জি কে ব্যাসে ঘটনাটোক লৈ কোটা আৰক্ষী অধীক্ষক, মুখ্য স্বাস্থ্য বিষয়া আৰু নিউ মেডিকেল কলেজ চিকিৎসালয়ৰ অধ্যক্ষক জাননী জাৰি কৰিছে।
Continue Reading
