ডিজিটেল ডেস্কঃ যিসকল লোকে লেপটপ বা ডেস্কটপত দীৰ্ঘ সময় কাম কৰে তেওঁলোকৰ চকু শুকাই যায়, বিষ হয় বা দৃষ্টিশক্তি ম্লান হৈ পৰে। মোবাইলত বহু সময় চাৰ্ফ কৰা সকলৰ ক্ষেত্ৰতো এই সমস্যাৰ সৃষ্টি হয়। সময়মতে এই সমস্যাৰ চিকিৎসা নকৰিলে তেতিয়া আমাৰ দৃষ্টিশক্তিও গুচি যাব পাৰে। আজি আমি আপোনালোকক এনে ৪ টা বস্তু (Food for Eye Care) সেৱনৰ বিষয়ে ক'ম, সেইবোৰ আপোনাৰ ডায়েট চাৰ্টত অন্তৰ্ভুক্ত কৰিলে আপোনাৰ চকুৰ দৃষ্টিশক্তি বৃদ্ধি হ'ব। সেইবোৰ কি কি সেই কথা জানো আহক।
১) গাজৰে চকুৰ উপকাৰ কৰেঃ গাজৰ শীতকালত প্ৰচুৰ পৰিমাণে পোৱা এবিধ সাধাৰণ পাচলি। চকুৰ দৃষ্টিশক্তি বৃদ্ধিত গাজৰ সেৱন কৰাটো উপকাৰী বুলি ধৰা হয়। আচলতে ইয়াত ভিটামিন এ আৰু ডি প্ৰচুৰ পৰিমাণে পোৱা যায়। যাৰ ফলত চকুৰ দৃষ্টিশক্তি বৃদ্ধি পায়। সেয়ে শীতকালত যিমানেই গাজৰ খাব সিমানেই চকুৰ দৃষ্টিশক্তি বাঢ়িব।
২) কেপচিকামে চকুৰ দৃষ্টিশক্তি উজ্জ্বল কৰেঃ ভিটামিন এ-বি ৬, চি, ফলিক এচিড, থাইয়ামিন আৰু বিটা-কেৰটিন কেপচিকামত পোৱা যায়। এই পাচলিত ৯৪ শতাংশ পানী থাকে। এই সকলোবোৰ পুষ্টিকৰ উপাদানে চকুৰ শক্তি বৃদ্ধি কৰি উজ্জল কৰি তোলে। সেয়ে যিমান পাৰি কেপচিকাম খাব লাগে।
৩) টেঙা ফল সেৱনৰ উপকাৰিতাঃ নেমু, কমলা, কীনু, মৌচম্বী টেঙা আৰু আমলখি আদি টেঙাজাতীয় ফলত ভিটামিন-চি প্ৰচুৰ পৰিমাণে পোৱা যায়। এই ভিটামিনে শৰীৰৰ ৰোগ প্ৰতিৰোধ ক্ষমতা শক্তিশালী কৰে। এই ফলবোৰ সেৱন কৰিলে চকুৰ দৃষ্টিশক্তি বৃদ্ধি পায় আৰু অস্পষ্ট দৃষ্টিশক্তিৰ অন্ত পৰে। সেয়ে যেতিয়াই সম্ভাৱনা থাকে তেতিয়াই এই ছাইট্ৰাছ ফলবোৰ সেৱন কৰিব লাগে।
৪) কচু খাব লাগেঃ গোটা কচুত ভিটামিন-এ প্ৰচুৰ পৰিমাণে পোৱা যায়। চকুৰ দৃষ্টিশক্তিৰ বাবে এইটোৱেই আটাইতকৈ ভাল ভিটামিন। যেতিয়া শৰীৰত ভিটামিন এৰ অভাৱ হয়, তেতিয়া দৃষ্টিশক্তিও বহু পৰিমাণে কমি যায়। কচু খালে শৰীৰত এই ভিটামিন পূৰ্ণ হয়, যাৰফলত চকুৰ সমস্যাৰ পৰা হাত সাৰিব পাৰে।
Continue Reading
