চকুত এনে লক্ষণ দেখা মাত্ৰকে আওকাণ কৰাৰ পৰিৱৰ্তে তৎক্ষণাত এই বিশেষ পৰীক্ষা কৰাওক

ডিজিটেল ডেস্ক : উচ্চ কলেষ্টেৰল আমাৰ শৰীৰৰ বাবে ক্ষতিকাৰক। ইয়াৰ পৰা অনুমান কৰিব পাৰি যে ই উচ্চ ৰক্তচাপ, ডায়েবেটিছ, হাৰ্ট এটেক, ট্ৰিপল ভেছেল ডিজিজ আৰু ক’ৰ’নাৰী আৰ্টাৰী ডিজিজৰ দৰে বিপজ্জনক ৰোগ সৃষ্টি কৰিব পাৰে। কলেষ্টেৰলৰ বৃদ্ধি কেৱল তেজৰ পৰীক্ষাৰ দ্বাৰাহে ধৰা পেলাব পাৰি, কিন্তু প্ৰাৰম্ভিক পৰ্যায়ত শৰীৰে বহুতো সংকেত প্ৰদান কৰে যদিও আমি বুজি নোপোৱাৰ বাবে ক্ষতিৰ সন্মুখীন হও।

 ১. শৰীৰত বেয়া কলেষ্টেৰল জমা হোৱাটো আমি চকুৰ জৰিয়তে দেখিবলৈ পাওঁ। যেতিয়া আপোনাৰ চকুৰ চাৰিওফালে হালধীয়া ৰঙৰ গোট বা এই ৰঙৰ দাগ দেখা যায়, তেতিয়া এই কলেষ্টেৰল বৃদ্ধিৰ লক্ষণ বুজা যায়।

২. চকুৰ কাষত হালধীয়া ৰঙৰ গোট থকাটো এটা ডাঙৰ সমস্যা যাক কোৱা হয় Xanthelasma। ইয়াৰ বাবে ভৱিষ্যতে Hypothyroidism বা Liver Disease হোৱাৰ আশংকা থাকে।

৩. কলেষ্টেৰল সাধাৰণতে চকুৰ ওপৰত আৰু তলত দেখা দিয়ে, ইয়াৰ ফলত ছালৰ বিপজ্জনক সমস্যাৰ সৃষ্টি হ’ব পাৰে, কাৰণ সময়ৰ লগে লগে ই ডাঙৰ হ’বলৈ আৰম্ভ কৰে। যেতিয়াই শৰীৰত এনে লক্ষণ দেখা দিবলৈ আৰম্ভ কৰে চিকিৎসকৰ পৰামৰ্শ অনুসৰি লিপিড প্ৰফাইল টেষ্ট যিমান সোনকালে পাৰি কৰিব লাগে, যাতে সমস্যা বাঢ়ি নাযায়।

৪. Xanthelasma বা চকুৰ ওচৰত কলেষ্টেৰল জমা হোৱাটোৱে বিশেষকৈ সেইসকল লোকৰ ক্ষতি কৰে যিসকলে ইতিমধ্যে নিজৰ শৰীৰত এনেবোৰ সমস্যা আছে-

* মেদবহুল লোক

* ধূমপায়ী

* উচ্চ বি পি ৰোগী

* ডায়েবেটিছ ৰোগী

* যাৰ লিপিডৰ মাত্ৰা বেছি

* ৩০ৰ পৰা ৫০ বছৰ বয়সৰ লোক