ডিজিটেল ডেস্ক : চণ্ডীগড়
বিশ্ববিদ্যালয়ৰ MMS কাণ্ডই দেশজুৰি তীব্ৰ উত্তেজনা অব্যাহত ৰখাৰ লগতে পঞ্জাব
আৰক্ষীৰ এক বৃহৎ সফলতা। MMS কাণ্ডৰ সৈতে জড়িতক গ্ৰেপ্তাৰ কৰিবলৈ সক্ষম হৈছে পঞ্জাব
আৰক্ষীয়ে। পঞ্জাব আৰক্ষীয়ে অভিযুক্ত সেনা জোৱান সঞ্জীৱ সিঙক গ্ৰেপ্তাৰ কৰে।
পঞ্জাব আৰক্ষীয়ে
অৰুণাচল প্ৰদেশৰ চেলা পাছৰ পৰা অভিযুক্তজনক গ্ৰেপ্তাৰ কৰে। গ্ৰেপ্তাৰ কৰা অভিযুক্ত
সেনা জোৱানজনৰ বিৰুদ্ধে বিশ্ববিদ্যালয়ৰ এগৰাকী ছাত্ৰীক ব্লেকমেইল কৰা আৰু আন ছাত্ৰীক
অশ্লীল ভিডিঅ’ দাবী কৰাৰ অভিযোগ উত্থাপন কৰা হৈছিল।
অৰুণাচল আৰক্ষীৰ সহায়ত পঞ্জাব
আৰক্ষীয়ে জোৱানজনক গ্ৰেপ্তাৰ কৰিবলৈ সক্ষম হয়। ঘটনাটোক লৈ ছাত্ৰ-ছাত্ৰীৰ ক্ষোভৰ পাছতেই
আৰক্ষীয়ে বিষয়টো তদন্ত অব্যাহত ৰাখে। তেওঁলোকে তদন্ত কৰি জানিব পাৰিছিল যে এগৰাকী
যুৱতীয়ে ভিডিঅ’টো প্ৰস্তুত কৰি এজন সেনা জোৱানক ভিডিঅ’বোৰ প্ৰেৰণ কৰিছিল। সেনা
জোৱানজনে আকৌ সেই ভিডিঅ’বোৰ আন কাৰোবালৈ প্ৰেৰণ কৰিছিল।
পাছত সেনা জোৱানজনে
অশ্লীল ভিডিঅ’ৰ বাবে যুৱতীগৰাকীক ব্লেক মেইলো কৰিছিল। লগতে অধিক ভিডিঅ’ৰ বাবে হেঁচাও
প্ৰয়োগ কৰিছিল। লগে লগে আৰক্ষীয়ে সেনা জোৱানজনৰ বিৰুদ্ধে তদন্ত চলাই শনিবাৰে পঞ্জাব
আৰক্ষীয়ে জোৱানজনক গ্ৰেপ্তাৰ কৰে।
আৰক্ষীয়ে জানিব দিয়া
মতে এই সেনা জোৱানজনৰ অৰুণাচল প্ৰদেশৰ ইটানগৰত কৰ্মৰত হৈ আছিল। জোৱানজনৰ ঘৰ
জম্মু-কাশ্মীৰত বুলি জানিব পৰা গৈছে।
Continue Reading
