ডিজিটেল ডেস্কঃ যিকোনো ধৰণৰ নিচাক ইছলামত ‘হাৰাম’ বুলি উল্লেখ কৰা হৈছে। গতিকে চৌদি আৰৱত মদ নিষিদ্ধ। কিন্তু সেই দেশত বহু অমুছলমান লোকে বাস কৰে। ছৌদি আৰৱৰ ৰাজকুমাৰ মহম্মদ বিন ছালমানে তেওঁলোকক মনত ৰাখি দেশৰ ৰাজধানী ৰিয়াদত এই প্ৰথমখন সুৰাৰ দোকান খুলিবলৈ সিদ্ধান্ত লৈছে। কিন্তু অমুছলমান কূটনীতিবিদেহে সুৰাৰ দোকানৰ পৰা সুৰা কিনিব পাৰিব। এই সন্দৰ্ভত বুধবাৰে এক বিবৃতি জাৰি কৰা হয়।
সেই বিবৃতি অনুসৰি মদ কিনিব বিচাৰিলে সেই দেশৰ চৰকাৰে দিয়া নিৰ্দিষ্ট মোবাইল এপটোত গৈ নাম পঞ্জীয়ন কৰিব লাগিব। ইয়াৰ পিছত ক্লিয়াৰেন্স ক’ড আহিব বৈদেশিক পৰিক্ৰমা মন্ত্ৰালয়ৰ পৰা। অমুছলমান কূটনীতিবিদসকলে সেই ক’ড পালেহে নিৰ্দিষ্ট পৰিমাণৰ মদ কিনিব পাৰিব। জনা গৈছে যে ৰিয়াধ চহৰৰ যি অঞ্চলত কূটনীতিবিদৰ যাতায়ত বেছি, য’ত বিভিন্ন দেশৰ দূতাবাস আছে, সেই অঞ্চলত সুৰাৰ দোকানখন মুকলি কৰা হ’ব। সূত্ৰ অনুসৰি কেইসপ্তাহমানৰ পিছত মুকলি হ’ব ষ্ট’ৰটো।
চৌদি আৰৱৰ দৰে অতি ৰক্ষণশীল, মুছলমান সংখ্যাগৰিষ্ঠ দেশত মদ খোৱাটো অপৰাধ। মদ্যপান ৰোধৰ বাবে কঠোৰ আইন প্ৰণয়ন কৰা হৈছে। মদত বিশ্বাসী ব্যক্তিক কঠোৰ শাস্তি দিয়াটো ইছলামত প্ৰথা। গোপনে মদ খোৱা লোককো দেশৰ পৰা খেদি পঠিওৱাৰ কথা শুনা যায়। তথাপিও বিদেশী অমুছলমান কূটনীতিবিদসকলে গোপনে, ক’লা বজাৰৰ পৰা মদ কিনিছিল। সেই দেশত এনে পদক্ষেপ নিঃসন্দেহে প্ৰশংসনীয়।
বিশ্বাস কৰা হয় যে যুৱৰাজৰ এই সিদ্ধান্ত ব্যৱসায় আৰু পৰ্যটনক উন্নীত কৰা। কিন্তু অমুছলমান সাধাৰণ নাগৰিকে সেই দোকানৰ পৰা সুৰা কিনিব পাৰিব নে নোৱাৰে সেই কথা এতিয়াও প্ৰকাশ কৰা হোৱা নাই।
Continue Reading
