ডিজিটেল ডেস্কঃক্ৰিষ্টিয়ানো ৰোনাল্ডোৱে এতিয়ালৈকে চৌদি আৰৱৰ ক্লাব আল নাছেৰৰ হৈ খেলিবলৈ আৰম্ভ কৰাই নাই। কিন্তু খেলুৱৈগৰাকীয়ে চৌদি-মুলুকত ভৰি দিয়েই সেই দেশৰ আইন ভংগ কৰিলে! কিন্তু কি আইন ভংগ কৰিলে ৰোনাল্ডোই? ক্ৰিষ্টিয়ানো ৰোনাল্ডো আৰু তেওঁৰ প্ৰেমিকা জৰ্জিনা এতিয়াও বিবাহিত নহয়। আনকি তেওঁলোকে বিয়া নকৰিলেও একেলগে থাকে।
চৌদি আইন অনুসৰি এয়া অবৈধ। সেই দেশৰ আইন অনুসৰি বিয়া নোহোৱাকৈ যুৱক-যুৱতীয়ে একেটা ঘৰতে বাস কৰাটো সম্ভৱ নহয়। আইন বিশেষজ্ঞসকলে কৈছে যে চৌদি আৰৱৰ আইনে বিবাহ বহিৰ্ভূত সম্পৰ্ক কঠোৰভাৱে নিষিদ্ধ কৰিছে। কিন্তু বিদেশী নাগৰিকসকলৰ বাবে নিয়মবোৰ বেলেগ। চৌদি আৰৱে পশ্চিমীয়া নাগৰিকৰ বাবে বিবাহ বহিৰ্ভূত সম্পৰ্কৰ বিষয়ে বেছি চিন্তা নকৰে। ফলস্বৰূপে চৌদি আৰবে ৰোনাল্ডোক হয়তো ক্ষমা কৰি দিবও পাৰে।
ৰোনাল্ডো আৰু জৰ্জিনাই ইয়াৰ বাবে সমস্যাৰ সন্মুখীন হ'ব লাগিবও পাৰে বুলি বহুতে আশংকা প্ৰকাশ কৰিছে।আন এজন অধিবক্তাই কয় যে চৌদি আৰৱে বিদেশী নাগৰিকসকলৰ ক্ষেত্ৰত এনে আইন প্ৰয়োগ নকৰে। অৱশ্যে, চৌদি কৰ্তৃপক্ষই নিয়মবোৰ কঠোৰভাৱে পালন হৈছে নে নাই সেই বিষয়ত দেশখনৰ নাগৰিকসকলৰ ওপৰত কঢ়া নজৰ ৰাখে।
ইফালে, চৌদি আৰৱত ভৰি থোৱাৰ পিছত ৰোনাল্ডো চৰ্চাত আছে। এমনেষ্টি ইণ্টাৰনেচনেলে দাবী কৰিছে যে ৰোনাল্ডোৱে চৌদি আৰৱত মানৱ অধিকাৰ উলংঘনৰ বিষয়টো উত্থাপন কৰিব লাগে।
Continue Reading
