ডিজিটেল ডেস্কঃ মুম্বাইৰ কোকিলাবেন ধীৰুভাই আম্বানী চিকিৎসালয়ত অস্ত্ৰোপচাৰ কৰা হয় ঋষভ পন্তক৷। ভয়াৱহ গাড়ী দুৰ্ঘটনাত তেওঁৰ সোঁ আঁঠুৰ লিগামেণ্ট ছিঙিছিল। চিকিৎসকসকলে সেই অংশছোৱাতে অস্ত্ৰোপচাৰ কৰে৷
চিকিৎসালয়ৰ সূত্ৰ অনুসৰি, তাৰকা ক্ৰিকেটাৰজনৰ শুক্ৰবাৰে অস্ত্ৰোপচাৰ কৰা হয়। ডাঃ দিনেশ পাৰ্দিৱালা আৰু তেওঁৰ দলে অস্ত্ৰোপচাৰ সম্পন্ন কৰে। কোকিলাবেন চিকিৎসালয় আৰু বিচিচিআইয়ে ক্ৰিকেটাৰগৰাকীৰ চিকিৎসাৰ তদাৰক কৰি আছে৷
পণ্টৰ প্ৰায় তিনি ঘণ্টা ধৰি অস্ত্ৰোপচাৰ কৰা হয়। অৱশ্যে তেওঁ আৰোগ্য হ'বলৈ এতিয়াও দীঘলীয়া সময় লাগিব। যিহেতু ভাৰতীয় ক্ৰিকেটাৰজনৰ চিকিৎসাৰ বাবে বিচিচিআই একমাত্ৰ দায়বদ্ধ, তেওঁলোকে পণ্টৰ আৰোগ্য লাভৰ বিষয়ে অৱগত কৰিব।
দুৰ্ঘটনাটোৰ পিছত পণ্টক প্ৰথমতে ডেৰাডুনৰ মেক্স চিকিৎসালয়ত ভৰ্তি কৰোৱা হৈছিল। কিন্তু বিচিচিআইয়ে তেওঁক তাত ৰাখিব নিবিচাৰিছিল। এয়াৰ এম্বুলেন্সত মুম্বাইলৈ লৈ যোৱা হৈছিল।
বোৰ্ডৰ সূত্ৰঅনুসৰি, পণ্টৰ আঘাত আৰোগ্য হ'বলৈ কমেও চাৰি মাহ লাগিব। খেলপথাৰলৈ উভতি আহিবলৈ কমেও ছয় মাহ সময় লাগিব। ফলস্বৰূপে পণ্টে শ্ৰীলংকা, নিউজিলেণ্ড, অষ্ট্ৰেলিয়া শৃংখলা আৰু আই পি এল খেলিব নোৱাৰে। বিশ্ব টেষ্ট চেম্পিয়নশ্বিপৰ ফাইনেল জুনত অনুষ্ঠিত হ'ব। যদি ভাৰতে তাত খেলিব পাৰে, তেন্তে সেই খেলখনত পণ্টক খেলপথাৰত দেখা যাব পাৰে।
Continue Reading
