ডিজিটেল ডেস্কঃ অব্যাহত আছে ডক্তৰ বেজবৰুৱা ২ৰ জয়যাত্ৰা। অসমৰ লগতে দেশৰ ভিন্ন ৰাজ্যৰ ছবিগৃহত বৃদ্ধি কৰা হ'ল প্ৰদৰ্শনী।
দিল্লীত দুটা ছবিগৃহৰ পৰিৱৰ্তে পাঁচটা ছবিগৃহত প্ৰদৰ্শনৰ ব্যৱস্থা৷ চেন্নাইত এটাৰ পৰা দুটা ছবিগৃহত প্ৰদৰ্শন কৰা হৈছে ডক্তৰ বেজবৰুৱা ২। ইয়াৰ লগতে নয়ডা,হাইদৰাবাদতো প্ৰদৰ্শনী বৃদ্ধি৷
শুকুৰবাৰৰ পৰা মুম্বাই, গোৱা, পুনে, কলকাতা, আহমেদাবাদত প্ৰদৰ্শিত হ'ব ডক্তৰ বেজবৰুৱা ২৷
আমেৰিকা,অষ্ট্ৰেলিয়া, ডুবাই, লণ্ডন আৰু ওমানৰ পৰাও আহিছে অনুৰোধ৷ এই সন্দৰ্ভত মুম্বাইৰ ডিষ্ট্ৰিবিউটাৰৰ লগত যোগাযোগ হৈ আছে। সোনকালে বিদেশতো এই ছবিখনৰ প্ৰদৰ্শনীৰ চিন্তা কৰা হৈছে৷
উল্লেখ্য যে মুক্তিৰ বহু পূৰ্বৰ পৰা এইখন অসমীয়া ছবিক লৈ ৰাইজৰ মাজত ব্যাপক উছাহ দেখিবলৈ পোৱা গৈছে। ছবিখনৰ মুক্তিৰ দিনটোৰ বাবে অধীৰ আগ্ৰহেৰে ৰৈ আছিল ছবিপ্ৰেমীসকল। ৩ ফেব্ৰুৱাৰীত মুক্তি লভিলে ডক্তৰ বেজবৰুৱা ২য়ে।
ডক্তৰ বেজবৰুৱা ২ পৰিচালনা অসমৰ জ্যেষ্ঠ অভিনেতা প্ৰয়াত নিপন গোস্বামীৰ। চিনেমাখনত এক গুৰুত্বপূৰ্ণ চৰিত্ৰত অভিনয় কৰিছে নিপন গোস্বামীয়ে। তেওঁৰ পুত্ৰ-বোৱাৰী সিদ্ধাৰ্থ গোস্বামী আৰু কিংকিনী ভট্টাচাৰ্যই ৰূপায়ন কৰিছে নায়ক-নায়িকাৰ চৰিত্ৰ। জুবিন গাৰ্গক দেখা যাব এটা অন্যতম গুৰুত্বপূৰ্ণ চৰিত্ৰত। সংগীত পৰিচালনা জুবিন গাৰ্গৰ। আদিল হুছেইনে ৰূপায়ন কৰিছে এক শক্তিশালী চৰিত্ৰ।
অসমৰ চিত্ৰনাট্যকাৰ-নাট্যকাৰ-গীতিকাৰ ৰাজদ্বীপে ছবিখনৰ চিত্ৰনাট্য লিখিছে। এ এম টেলিভিছনৰ বেনাৰত ডঃ সঞ্জীৱ নাৰায়ণ আৰু ডাঃ অক্ষতা নাৰায়ণে প্ৰযোজনা কৰিছে এই ছবিখন।
ছাচপেঞ্চ থ্ৰিলাৰ হিচাপে 'ডক্টৰ বেজবৰুৱা ২'য়ে অসমীয়া চলচ্চিত্ৰ জগতক প্ৰদান কৰিছে এক নতুন মাত্ৰা।
Continue Reading
