ডিজিটেল ডেস্কঃ সিদ্ধাৰ্থ মালহোট্ৰা আৰু কিয়াৰা আদৱানীৰ ‘বিৰল’ প্ৰেমৰ প্ৰশংসা কৰিলে কংগনা ৰানাৱটে। কেৱল প্ৰশংসা কৰাই নহয়, বলীউডৰ আন তাৰকা দম্পতীৰ প্ৰতিও তেওঁ কটুক্তি কৰে৷
বিগত কেইবছৰমানৰ পৰা সিদ্ধাৰ্থ মালহোত্ৰা আৰু কিয়াৰা আদৱানীৰ প্ৰেমৰ সম্পৰ্ক চলি আহিছে। বলিউদত ৰোমাঞ্চৰ গুজৱ চলি থকাৰ পাছতো সিদ বা কিয়াৰাই কেতিয়াও ৰাজহুৱাভাৱে নিজৰ সম্পৰ্ক স্বীকাৰ কৰা নাছিল। কিন্তু সকলো জল্পনা-কল্পনাৰ অন্ত পেলাই মঙলবাৰে জয়ছালমেৰত বিবাহপাশত আবদ্ধ হয় দুয়ো৷
ছ’চিয়েল মিডিয়াত তেওঁলোকৰ বিয়াৰ ছবি ভাইৰেল হোৱাৰ লগে লগে কংগনাই মন্তব্য কৰে- “তেওঁলোকে বলিউডৰ আন দম্পত্তিসকলৰ দৰে লাইমলাইটলৈ অহা নাছিল৷ এই প্ৰেম স্বাভাৱিক আৰু বিৰল৷’’ দুয়োকে দাম্পত্য জীৱনৰ শুভেচ্ছা জনায় কংগনাই৷
কিছুদিন পূৰ্বে নাম নোলোৱাকৈয়ে কংগনাই ৰণবীৰ কাপুৰ আৰু আলিয়া ভাটক লক্ষ্য কৰি কেইবাটাও অভিযোগ উত্থাপন কৰিছিল। এই যুটিয়ে তেওঁক নিৰীক্ষণ কৰি আছে বুলি দাবী কৰিছিল ‘গেংষ্টাৰ’ অভিনেত্ৰীগৰাকীয়ে। অৱশ্যে ছ’চিয়েল মিডিয়াত এই কথা প্ৰকাশ কৰাৰ পিছত তেওঁৰ চৌপাশৰ সন্দেহজনক কাৰ্যকলাপ বন্ধ হৈ গৈছে বুলি কংগনাই কয়।
Continue Reading
