ডিজিটেল ডেস্ক: ক'ভিড-১৯ সংক্ৰমণৰ ফলত বিশ্বৰ লাখ লাখ লোকৰ মৃত্যু হৈছে। বৰ্তমান বিশ্বৰ বেছিভাগ ঠাইতে কথাবোৰ স্বাভাৱিক যদিও ক’ভিড প্ৰট’কল পালন নকৰাটো বিপদজনক বুলি প্ৰমাণিত হ’ব পাৰে। চীনত আকৌ এবাৰ বৃদ্ধি পালে কৰ’না আক্ৰান্তৰ সংখ্যা। প্ৰতিদিনে নতুনকৈ ক’ৰ’না আক্ৰান্ত ৰোগীয়ে চীনত পূৰ্বৰ সকলো অভিলেখ ভংগ কৰিছে। চীনৰ নেশ্যনেল হেল্থ ব্যুৰোৰ তথ্য অনুসৰি বুধবাৰে তাত ৩১,৪৫৪জন নতুনকৈ ক’ভিড-১৯ত আক্ৰান্ত হৈছে। বৰ্তমান চীনে কৰ'না সংক্ৰমণ নিয়ন্ত্ৰণৰ বাবে লকডাউন, গণ পৰীক্ষণ আৰু যাতায়ত নিষেধাজ্ঞা জাৰি কৰিছে।
শূন্য ক'ভিড নীতি অতি কঠোৰ
সমগ্ৰ দেশতে চীনে কাৰ্যকৰী কৰিছে Zero Covid Policy। এই নীতিৰ অধীনত অতি সীমিত কৰ’না আক্ৰান্তৰ তথ্য পোৱাৰ সময়তো সমগ্ৰ চহৰখন বন্ধ কৰি ৰখা হয় আৰু কৰ’না আক্ৰান্ত লোকক কোৱাৰেণ্টাইন কৰা হয়। চীনৰ শাসকৰ এই নীতিৰ বিৰুদ্ধে সমগ্ৰ দেশতে ক্ষোভৰ সৃষ্টি হৈছে। বহু ঠাইৰ পৰাও ওলাই আহিছে প্ৰতিবাদৰ খবৰ।
বেইজিঙত বৃদ্ধি পাইছে ৰোগী
চীনৰ ৰাজধানীতো প্ৰতিদিনে বৃদ্ধি পাইছে কৰ’না আক্ৰান্ত। স্থানীয় প্ৰশাসনে ৰাইজক ঘৰতে থাকিবলৈ নিৰ্দেশ দিছে। ৰাজহুৱা ভৱনত প্ৰৱেশ কৰিবলৈ মানুহে ৪৮ ঘণ্টাৰ আগৰ কোভিড নেগেটিভ ৰিপৰ্ট দেখুৱাব লাগিব। বেইজিঙৰ উপৰিও দক্ষিণ চীনৰ গুৱাংঝু চহৰ আৰু দক্ষিণ-পশ্চিম চংকিং পৌৰসভাতো ক'ভিড আক্ৰান্তৰ সংখ্যা বৃদ্ধি পাইছে।
Continue Reading
