চুলিৰ প্ৰতিটো সমস্যাই নিমিষতে দূৰ কৰাৰ কেইটামান টিপছ জানো আহক…

ডিজিটেল ডেস্ক : বৰ্তমানৰ জীৱনশৈলী, খাদ্যাভ্যাস আৰু বৃদ্ধি পোৱা প্ৰদূষণে স্বাস্থ্যৰ লগতে চুলিতো অতি বেয়া প্ৰভাৱ পেলায়। ইয়াৰ ফলত আপোনাৰ চুলি পাতল, ভংগুৰ, বগা, উফি আৰু তেলীয়া যেন লাগে। এনে পৰিস্থিতিত আজি আমি জানিম আহক চুলিৰ প্ৰতিটো সমস্যা সমাধানৰ বাবে পিঁয়াজৰ ব্যৱহাৰ।

 পিঁয়াজত যথেষ্ট পৰিমাণৰ চালফাৰ থাকে, গতিকে ইয়াৰ ব্যৱহাৰে আপোনাৰ চুলি সৰা বন্ধ কৰি দিয়ে। ইয়াৰ উপৰি পিঁয়াজে চুলিক অকালতে ধূসৰ হোৱাৰ পৰাও ৰক্ষা কৰে, গতিকে চুলিৰ বৃদ্ধিৰ বাবে পিঁয়াজ কেনেকৈ ব্যৱহাৰ কৰিব লাগে জানো আহক।

 চুলিৰ বাবে পিঁয়াজ কেনেকৈ ব্যৱহাৰ কৰিব?

১. নাৰিকল তেল আৰু পিঁয়াজঃ-ইয়াৰ বাবে এটা বাটিত ২ চামুচ পিঁয়াজৰ ৰস লৈ তাত ২ চামুচ নাৰিকল তেল দিব। তাৰ পিছত মিহলাই অলপ গৰম কৰি এই মিশ্ৰণটো চুলিত লগাই মালিচ কৰিব। তাৰ পাছত আধা ঘণ্টামান লগাই চুলিখিনি মৃদু চেম্পুৰে ধুব। ইয়াৰ বাবে আপোনাৰ চুলিৰ বাঢ়িবলৈ আৰম্ভ কৰে।

২. কণী আৰু পিঁয়াজঃ-ইয়াৰ বাবে এচামুচ পিঁয়াজৰ ৰস, এটা গোটা কণী আৰু ২ৰ পৰা ৩ টোপাল ৰোজমেৰী বা লেভেণ্ডাৰ অইল এটা বাটিত দিব। তাৰ পিছত আপুনি এই সকলোবোৰ ভালকৈ মিহলাই পেষ্ট বনাই গোটেই চুলিত লগাব। তাৰ পিছত চুলিত কমেও ২০ৰ পৰা ৩০ মিনিট সময় লগাই ধুই পেলাব, ইয়াৰ ফলত চুলি কোমল আৰু মজবুত হয়।

৩. আদা আৰু পিঁয়াজঃ-ইয়াৰ বাবে এটা বাটিত ২ চামুচ আদাৰ ৰস আৰু ২ চামুচ পিঁয়াজৰ ৰস মিহলাই লওক। তাৰ পাছত এই প্ৰস্তুত কৰা মিশ্ৰণটো চুলিৰ গুৰিত লগাব। ইয়াৰ পিছত লঘু হাতেৰে মূৰৰ ছালখন মালিচ কৰি আধা ঘন্টা ৰাখিব। ইয়াৰ পিছত আপুনি চুলিখিনি মৃদু চেম্পুৰে ধুব। দীঘল চুলিৰ বাবে এই চুলি বৃদ্ধি টনিক সপ্তাহত প্ৰায় ২ৰ পৰা ৩বাৰ প্ৰয়োগ কৰিব পাৰে।