ডিজিটেল ডেস্ক: ছলমান খান অভিনীত ‘চুলতান’ শীৰ্ষক চিনেমাখন ২০১৬ত বক্স-অফিচত আলোড়ণ তোলা সফল চিনেমাসমূহৰ ভিতৰত অন্যতম আছিল। ভাইজানে এই চিনেমাখনৰ বাবে কঠোৰ পৰিশ্ৰম কৰি তেওঁৰ শৰীৰি গঠনো সলনি কৰিছিল।
কাৰণ, তেওঁ চিনেমাখনত এজন মল্লযোদ্ধাৰ চৰিত্ৰত অভিনয় কৰিছিল। চিনেমাখনত তেওঁৰ নায়িকা আছিল অনুষ্কা শৰ্মা। এই চিনেমাখনৰ বাবে দুয়োজনে লাভ কৰা পাৰিশ্ৰমিকত যথেষ্ট পাৰ্থক্য আছিল। সূত্ৰ অনুসৰি, প্ৰযোজক গোষ্ঠী যশৰাজ ফিল্মছে ‘চুলতান’ নিৰ্মাণৰ বাবে বাজেট হিচাপে ৯০ কোটি টকা আৱণ্টন কৰিছিল।
অৱশ্যে, চিনেমাখনে সেই বছৰ বক্স-অফিচত ৩০০ কোটিৰো অধিক উপাৰ্জন কৰিছিল। বিশ্বজুৰি ছবিখনৰ ব্যৱসায় হৈছিল ৫০০ কোটিতকৈও অধিক।
কিন্তু এই চিনেমাখনত ছলমান আৰু অনুষ্কাৰ পাৰিশ্ৰমিকৰ পৰিমাণে বহুতক আচৰিত কৰিছে। ছলমানে ছবিখনৰ বাবে কোনো নিৰ্ধাৰিত মাচুল লোৱা নাছিল। তেওঁ চিনেমাখনৰ লাভৰ পৰাহে পাৰিশ্ৰমিক দাবী কৰিছিল। আনহাতে, সেই সময়ত অনুষ্কাই চিনেমাখনৰ বাবে যি হাৰত মাচুল লৈছিল তাৰ ওপৰত নিৰ্ভৰ কৰি, বহুসূত্ৰই দাবী কৰে যে তেওঁক এই ছবিখনৰ বাবে ৬ ৰ পৰা ৭ কোটি টকা পৰিশোধ কৰা হৈছিল। চিনেমাখন হিট হোৱাৰ পাছত ছলমানক যশৰাজে ১০০ কোটি টকা পৰিশোধ কৰিছিল। বাতৰি অনুসৰি, অনুষ্কাই চিনেমাখনৰ বাজেটৰ মাত্ৰ ৬-৭ শতাংশ লাভ কৰিছিল।
Continue Reading
