তেলেংগানাৰ ৱাৰংগলৰ কেএমচিৰ চিকিৎসা বিজ্ঞানৰ ছাত্ৰী ডাঃ প্ৰীতিক ৫ দিন পূৰ্বে চিকিৎসালয়ত ভৰ্তি কৰোৱা হৈছিল। দেওবাৰে মৃত্যু হৈছে ডাঃ প্ৰীতিৰ। এই গোচৰত গ্ৰেপ্তাৰ কৰা হৈছে প্ৰীতিৰ এগৰাকী ছিনিয়ৰক

Listen to Article

2 min read

80%

ডিজিটেল ডেস্কঃ তেলেংগানাৰ ৱাৰংগলৰ কেএমচিৰ চিকিৎসা বিজ্ঞানৰ ছাত্ৰী ডাঃ প্ৰীতিক ৫ দিন পূৰ্বে চিকিৎসালয়ত ভৰ্তি কৰোৱা হৈছিল। দেওবাৰে মৃত্যু হৈছে ডাঃ প্ৰীতিৰ। এই গোচৰত গ্ৰেপ্তাৰ কৰা হৈছে প্ৰীতিৰ এগৰাকী ছিনিয়ৰক। ডাঃ প্ৰীতিক হাৰাশাস্তি কৰাৰ অভিযোগ উঠিছে চিকিৎসা বিজ্ঞানৰ জ্যেষ্ঠ ছাত্ৰগৰাকীৰ বিৰুদ্ধে। তেওঁৰ নাম নাম ডাঃ মহম্মদ ছেইফ। আৰক্ষীয়ে সদৰী কৰা অনুসৰি বিষয়টোৰ তদন্ত চলি আছে।

কাকতীয়া চিকিৎসা মহাবিদ্যালয়ৰ পি জি মেডিকেলৰ ছাত্ৰী ডাঃ প্ৰীতিৰ মৃত্যুৱে জোকাৰিছে তেলেংগানা। দেওবাৰে নিশা প্ৰায় ৯ বজাত নিমছ হাস্পতালত শেষ নিশ্বাস ত্যাগ কৰে ২৬ বছৰীয়া প্ৰীতিয়ে। প্ৰীতিৰ শৰীৰৰ বহু অংশই কাম কৰা বন্ধ কৰি দিছিল। প্ৰীতিক ৫ দিনৰ বাবে চিকিৎসালয়ত ভৰ্তি কৰোৱা হৈছিল। তেওঁক ভেণ্টিলেটৰৰ সহায়ত ৰখা হৈছিল।

Telangana: Woman medico who attempted suicide after being harassed by senior, dies- The New Indian Express

প্ৰীতিয়ে আত্মহত্যাৰ চেষ্টা কৰিছিল। তাৰপাছত তেওঁক নিজাম ইনষ্টিটিউট অৱ মেডিকেল ছায়েন্সত (এনআইএমএছ) ততাতৈয়াকৈ ভৰ্তি কৰা হৈছিল। এন আই এম এছৰ চিকিৎসা অধীক্ষক ডাঃ সত্যনাৰায়ণে জাৰি কৰা বিবৃত্তিত কোৱা হৈছে যে বিশেষজ্ঞ চিকিৎসকৰ দলৰ অবিৰত প্ৰচেষ্টা সত্ত্বেও ডাঃ প্ৰীতিক বচাব পৰা নগ'ল। ২৬ ফেব্ৰুৱাৰীৰ নিশা ৯.১০ বজাত তেওঁক মৃত ঘোষণা কৰা হয়।

ইয়াৰ পূৰ্বেও চিকিৎসালয়ৰ বিবৃত্তিত কোৱা হৈছিল যে প্ৰীতিৰ বহু অংগই কাম কৰা বন্ধ কৰি দিছে আৰু তেওঁক ভেণ্টিলেটৰৰ সহায়ত জীয়াই ৰখা হৈছে। তেওঁৰ অৱস্থা সংকটজনক হৈয়ে আছে। এই ঘটনাৰ পাছতেই মাটেৱাদা আৰক্ষীয়ে এই গোচৰত শুকুৰবাৰে কাকতীয়া চিকিৎসা মহাবিদ্যালয়ৰ দ্বিতীয় বৰ্ষৰ স্নাতকোত্তৰ (পিজি) ছাত্ৰ ডাঃ মহম্মদ ছেইফক গ্ৰেপ্তাৰ কৰিছিল। অভিযোগ অনুসৰি ২০২২ চনৰ নৱেম্বৰ মাহত প্ৰীতি এই চিকিৎসা মহাবিদ্যালয়লৈ আহিছিল আৰু ডিচেম্বৰ-২০২২ৰ পৰা ডাঃ মহম্মদ ছেইফে প্ৰীতিক লক্ষ্য কৰি হাৰাশাস্তি কৰি আহিছিল।

Medical student suicide: Saif forced juniors to 'boycott' Preethi- The New Indian Express

প্ৰীতিৰ পিতৃ নৰেন্দ্ৰই কৈছিল যে তেওঁৰ ছোৱালীজনীক ছিনিয়ৰে হাৰাশাস্তি কৰি আহিছিল। তেওঁ এই আত্মহত্যাৰ কাৰণৰ সঠিক তদন্তৰ দাবী জনায়।

পিতৃয়ে অভিযোগ কৰে যে তেওঁৰ কন্যাক ডাঃ মহম্মদ ছেইফ নামৰ ছিনিয়ৰেগৰাকীয়ে প্ৰীতিক অতিৰিক্ত কাম কৰিবলৈ হাৰাশাস্তি কৰি আহিছিল আৰু আনকি কৰ্তব্যৰ সময়ত ৱাছৰুম যাবলৈও নিদিছিল প্ৰীতিক।

ডাঃ মহম্মদ ছেইফৰ মানসিক নিৰ্যাতনৰ বলি হৈয়ে প্ৰীতিয়ে আত্মহত্যা কৰা বুলি অভিযোগ উত্থাপন হৈছে। ৱাৰংগল আৰক্ষী আয়ুক্ত এ ভি ৰংগনাথে কয় যে অভিযুক্ত মহম্মদ ছেইফক ইয়াৰ তৃতীয় ন্যায়িক প্ৰথম শ্ৰেণীৰ দণ্ডাধীশৰ আগত হাজিৰ কৰা হৈছে আৰু তেওঁক খাম্মাম কাৰাগাৰলৈ স্থানান্তৰ কৰা হৈছে।