ডিজিটেল ডেস্কঃ ভাৰতীয় দলৰ প্ৰাক্তন অধিনায়ক তথা বি চি চি আইৰ প্ৰাক্তন সভাপতি সৌৰভ গাংগুলীৰ নিৰাপত্তা বৃদ্ধি কৰা হৈছে। সৌৰভৰ নিৰাপত্তা Y পৰ্যায়ৰ নিৰাপত্তাৰ পৰা Z পৰ্যায়লৈ বৃদ্ধি কৰা হৈছে। অৱশ্যে নিৰাপত্তাৰ সন্দৰ্ভত গাংগুলীৰ পক্ষৰ পৰা কোনো দাবী উত্থাপন হোৱা নাছিল। বি চি চি আইৰ প্ৰাক্তন সভাপতি তথা প্ৰাক্তন ক্ৰিকেটাৰ সৌৰভ গাংগুলীৰ পূৰ্বতে আছিল Y পৰ্যায়ৰ নিৰাপত্তা।
পশ্চিমবংগৰ মমতা বেনাৰ্জী চৰকাৰে দাদাৰ নিৰাপত্তা উন্নীত কৰাৰ সিদ্ধান্ত লৈছে। এতিয়া গাংগুলীৰ নিৰাপত্তাৰ অধীনত নিয়োগ কৰা হ’ব ৮ৰ পৰা ১০জন আৰক্ষী। ৪ৰ পৰা ৬জনলৈকে কামাণ্ডো, ৩গৰাকী ব্যক্তিগত নিৰাপত্তাৰক্ষীসহ বুলেটপ্ৰুফ বাহন আদি অন্যান্য সা-সুবিধা। অৱশ্যে ইয়াৰ পূৰ্বে দাদাৰ নিৰাপত্তাৰ অধীনত তিনিজন আৰক্ষীক নিয়োগ কৰা হৈছিল।
বুধবাৰে পশ্চিম বংগ চৰকাৰে পূৰ্বৰ পৰ্যায়ৰ নিৰাপত্তা উন্নীত কৰি ক্ৰিকেটাৰগৰাকীক Z পৰ্যায়ৰ নিৰাপত্তা প্ৰদানৰ সিদ্ধান্ত গ্ৰহণ কৰে। অৱশ্য গাংগুলীৰ নিৰপত্তাৰ প্ৰতি কোনো ভাবুকি অহা নাই যদিও পশ্চিমবংগ চৰকােৰ তেওঁক Z পৰ্যায়ৰ নিৰাপত্তা সুনিশ্চিত কৰাৰ বাবে সিদ্ধান্ত গ্ৰহণ কৰে।
Continue Reading
