ডিজিটেল ডেস্কঃ দূৰ্দান্ত বলিঙেৰে এইবাৰৰ আইপিএলত উজ্বলি উঠিছে মহম্মদ চিৰাজ। ফৰ্মত থকাৰ উপৰিও নতুন ঘৰো নিৰ্মাণ কৰিছে ফাষ্ট বলাৰগৰাকীয়ে। গৃহ চহৰ হায়দৰাবাদৰ জুবলী হিলছত নতুনকৈ নিৰ্মাণ কৰিছে ঘৰটো। সেই উপলক্ষে ঘৰটোত প্ৰৱেশ কৰিলে ৰয়েল চেলেঞ্জাৰ্ছ বেংগালুৰুৰ সতীৰ্থ ক্ৰিকেটাৰসকলে।
উল্লেখ্য আই পি এল প্লে অফৰ বাবে প্ৰতিদ্বন্দ্বিতাত থাকিবলৈ হ’লে বৃহস্পতিবাৰে ঘৰুৱা খেলপথাৰত ছানৰাইজাৰ্ছ হায়দৰাবাদক পৰাস্ত কৰিব লাগিব বিৰাট কোহলীয়ে। এই মেচখনৰ বহু আগতেই হায়দৰাবাদত উপস্থিত হৈছে ৰয়েল চেলেঞ্জাৰছ বেংগালুৰু। দলটোৰ ক্ৰিকেটাৰসকলেও অনুশীলন আৰম্ভ কৰিছে।
তাৰমাজতে বিৰাট কোহলীসহিতে ক্ৰিকেটাৰসকলে চিৰাজৰ বাসগৃহত উপস্থিত হয়। কোহলীৰ বাহিৰেও দলৰ বাকী ক্ৰিকেটাৰ আৰু গ্লেন মেক্সৱেলকে ধৰি সহায়ক কৰ্মচাৰীসকলো ছিৰাজৰ ঘৰলৈ যায়। চিৰাজে তেওঁলোকক মনোৰঞ্জন দিয়া দেখা যায়।
আই পি এলত ১২খন খেলত ১২ পইণ্ট লাভ কৰিছে আৰ চি বিয়ে। পূৰ্বৰ মেচখনত ৰাজস্থান ৰয়েলছৰ বিৰুদ্ধে ১১২ ৰাণত জয়লাভ কৰি কোহলীৰ নেট ৰানৰ হাৰ বৃদ্ধি পায়। তেওঁলোকৰ নেট ৰান ৰেট ০.১৬৬। ইয়াৰ পিছতে বেংগালুৰুৰ দুখন মেচ হায়দৰাবাদ আৰু গুজৰাটৰ বিৰুদ্ধে। দুখন মেচত জয়ী হ’লে ১৬ পইণ্ট লাভ কৰিব। ইয়াৰ পিছতো অৱশ্যে প্লে অফৰ বিষয়ে নিশ্চিত নহ’ব কোহলি। আন দলবোৰলৈ বাট চাব লাগিব।
Continue Reading
