ডিজিটেল ডেস্কঃ ড্ৰাগছ ব্যৱসায়ৰ এগৰাকী এজেন্ট হিচাপে ধৰা পৰিল এগৰাকী সুন্দৰী। এলা-পেচা সুন্দৰী নহয়, ১৯ বছৰ বয়সত মিছ ইংলেণ্ডৰ খিতাপ লাভ কৰিছিল তেওঁ। নাম- জেনিফাৰ ইয়ং।
এইগৰাকী প্ৰাক্তন মিছ ইংলেণ্ডক ৩৩ বছৰ বয়সত এইবাৰ মেক্সিকান আৰক্ষীয়ে ড্ৰাগছ ব্যৱসায়ৰ অপৰাধত গ্ৰেপ্তাৰ কৰিছে। মেক্সিকোৰ আদালতত তেওঁক ২০ বছৰৰ কাৰাদণ্ড বিহা হৈছে।
যোৱা বছৰৰ আগষ্ট মাহত আমষ্টাৰডামৰ পৰা মেক্সিকোৰ কানকান বিমানবন্দৰত উপস্থিত হৈছিল জেনিফাৰ। তাতে বিমানবন্দৰত পুলিচে তেওঁক হাতেলোটে ধৰে। তেওঁৰ পৰা মুঠ ১৩ কিলোগ্ৰাম কোকেইন উদ্ধাৰ কৰা হয়। ড্ৰাগছবোৰ সৰু সৰু পেকেট আৰু বটলত ভৰাই থোৱা আছিল। ইয়াৰ দাম আছিল ডেৰ লাখ ইউৰো!
কানকান বিমানবন্দৰত উপস্থিত হোৱাৰ লগে লগে চৰকাৰী প্ৰতিৰক্ষা বাহন আৰু বিমানবন্দৰৰ বিষয়াসকলে যৌথভাৱে কোকেইনৰ পেকেটৰ দ’ম আৱিষ্কাৰ কৰে বুলি মেক্সিকান আৰক্ষীয়ে এক টুইটযোগে জনায়। প্ৰসংগক্ৰমে এই বেগটো বিদেশী যাত্ৰীৰ। ইয়াৰ পিছত তৎক্ষণাত জেনিফাৰক গ্ৰেপ্তাৰ কৰা হয়।
Continue Reading
