ডিজিটেল ডেস্ক: গৃহযুদ্ধত বিধ্বস্ত ছুডানৰ পৰা উদ্ধাৰ কৰা হ’ল ১৫৭গৰাকী ব্যক্তিক। ছৌদি আৰব চৰকাৰৰ তৎপৰতাত উদ্ধাৰ হ’ল ১৫৭গৰাকী লোক৷
বিভিন্ন দেশৰ লগতে ভাৰতৰো কিছুসংখ্যক লোক উদ্ধাৰ হয় ছৌদি আৰবৰ উদ্ধাৰ অভিযানত। হিংসাজৰ্জৰ ছুডানত বৰ্তমানো আবদ্ধ হৈ আছে বহু ভাৰতীয় নাগৰিক। ছুডানৰ ৰাজধানী খাৰতুমত ৰক্তক্ষয়ী গৃহযুদ্ধই শংকিত কৰি তুলিছে দেশখনত আবদ্ধ প্ৰবাসী নাগৰিকক৷
শাসনাধিষ্ঠ সেনাৰ দুটা ফৈদৰ মাজত সংঘটিত হৈছে ৰক্তাক্ত সংঘাত৷ এই গৃহযুদ্ধত বৰ্তমানলৈ মৃত্যু হৈছে তিনি শতাধিক লোকৰ৷ যুদ্ধবিধ্বস্ত ছুডানৰ ৰাজধানী খাৰতুমৰ পৰা ছৌদি আৰবে উদ্ধাৰ কৰে ১৫৭গৰাকী বিভিন্ন দেশৰ নাগৰিকক৷
এই ঘটনাত উদ্বিগ্নতা প্ৰকাশ কৰিছে ভাৰতৰ প্ৰধানমন্ত্ৰী নৰেন্দ্ৰ মোদীয়ে৷ ইতিমধ্যে ৰাজস্থান চৰকাৰে মুকলি কৰিছে হেল্পলাইন নম্বৰ৷ আৰু শেহতীয়াকৈ ছুডাননিবাসী প্ৰবাসী ভাৰতীয়ক উদ্ধাৰ কৰিবলৈ প্ৰেৰণ কৰা হৈছে ভাৰতীয় বায়ুসেনাৰ বিমান, নৌসেনাৰ জাহাজ৷
Continue Reading
