ডিজিটেল ডেস্ক: মোদী চৰকাৰৰ চলিত কাৰ্যকালৰ অন্তিমখন বাজেট আজি সংসদত দাখিল কৰিলে কেন্দ্ৰীয় বিত্তমন্ত্ৰী নিৰ্মলা সীতাৰমণে৷ জনজীৱনক প্ৰভাৱিত কৰিব পৰাকৈ প্ৰস্তুত কৰা এই বাজেটত চিকিৎসাখণ্ডৰ বাবে কেইবাটাও নতুন ঘোষণা কৰিলে বিত্তমন্ত্ৰী সীতাৰমণে৷
বাজেটত অধিক চিকিৎসা মহাবিদ্যালয় স্থাপনৰ কথা ঘোষণা কৰে সীতাৰমণে৷ নতুন চিকিৎসা মহাবিদ্যালয়সমূহে ভিন্ন বিভাগৰ অধীনস্থ বৰ্তমানৰ চিকিৎসালয়ৰ আন্তঃগাঁথনি ব্যৱহাৰ কৰিব৷
বৰ্তমানৰ চিকিৎসালয়ৰ আন্তঃগাঁথনি পৰীক্ষা আৰু পৰামৰ্শ প্ৰদানৰ বাবে গঠন কৰা হ’ব কমিটী৷ আশা কৰ্মী, অংগনৱাড়ী কৰ্মী আৰু সহায়িকাসকলৰ বাবে হেল্থকেয়াৰ ক’ভাৰৰ ব্যৱস্থা কৰা হ’ব৷ যুৱ শক্তিৰ ওপৰত গুৰুত্ব আৰোপেৰে ২০৪৭ৰ ভিতৰত এখনি বিকশিত ভাৰত গঢ়াৰ লক্ষ্যৰ অভিমুখে আগবাঢ়ি গৈ কেন্দ্ৰীয় বিত্ত আৰু কৰ্পৰেট পৰিক্ৰমা দপ্তৰৰ মন্ত্ৰী নিৰ্মলা সীতাৰমণে আজি সংসদত ২০২৪-২৫ বৰ্ষৰ অন্তৱৰ্তীকালীন বাজেট দাখিলেৰে অধিক চিকিৎসা মহাবিদ্যালয় স্থাপনৰ প্ৰস্তাৱ আগবঢ়ায়।
ভিন্ন বিভাগৰ অধীনস্থ বৰ্তমানৰ চিকিৎসালয়সমূহৰ আন্তঃগাঁথনি ব্যৱহাৰেৰে এই নতুন চিকিৎসা মহাবিদ্যালয়সমূহ স্থাপন কৰা হ’ব। ইয়াৰ বাবে বিষয়সমূহ পৰীক্ষাৰে প্ৰাসংগিক পৰামৰ্শ আগবঢ়াবলৈ এখন কমিটী গঠন কৰা হ’ব বুলি কেন্দ্ৰীয় বিত্তমন্ত্ৰীয়ে উল্লেখ কৰে। তেওঁ প্ৰকাশ কৰে যে এই পদক্ষেপে ছাত্ৰ-ছাত্ৰীসকলৰ বাবে চিকিৎসক হোৱাৰ সুযোগ প্ৰদানেই নহয়, বৰঞ্চ জনসাধাৰণৰ স্বাস্থ্যসেৱাৰো অগ্ৰগতি সাধন কৰিব।
নিৰ্মলা সীতাৰমণে আশাকৰ্মী, অংগনৱাড়ী কৰ্মী আৰু সহায়িকাসকলকো আয়ুষ্মান ভাৰত আঁচনিৰ অধীনত সামৰি লোৱাৰ প্ৰস্তাৱ আগবঢ়ায়।
Continue Reading
