ডিজিটেল ডেস্কঃ দন্ত চিকিৎসাৰ কথা আহিলে দন্ত চিকিৎসকৰ ওপৰত নিৰ্ভৰ কৰাতকৈ ঘৰতে দাঁত পৰিষ্কাৰ কৰাটো সহজ। প্ৰায়ে আমাৰ নিজৰ অসাৱধানতাৰ বাবে দাঁত ক্ষয়, দাঁতৰ আলুৰ বিষ আৰু মুখৰ দুৰ্গন্ধৰ সৃষ্টি হয়। যদি আপুনি আপোনাৰ দৈনন্দিন কিছুমান অভ্যাস সলনি কৰে, তেন্তে দাঁত পৰিষ্কাৰ কৰি ৰখাটো সহজ হ’ব, তেতিয়াহে আপুনি দক্ষিণৰ বিখ্যাত অভিনেত্ৰী ৰশ্মিকা মান্দান্নাৰ দৰে জিলিকি থকা দাঁতেৰে হাঁহি মাৰিবলৈ সক্ষম হ’ব।
দাঁত কেনেকৈ পৰিষ্কাৰ কৰি ৰাখিব লাগে
১) দিনটোত দুবাৰ ব্ৰাছ কৰিব লাগেঃ যদি আপুনি আপোনাৰ দাঁতবোৰ সদায় জিলিকি থকাটো বিচাৰে, তেন্তে ইয়াৰ পৰিষ্কাৰ-পৰিচ্ছন্নতা অতি গুৰুত্বপূৰ্ণ, বেছিভাগ বিশেষজ্ঞই পৰামৰ্শ দিয়ে যে পুৱা সাৰ পোৱাৰ পিছত আৰু ৰাতি শোৱাৰ আগতে টুথব্ৰাছেৰে দাঁত পৰিষ্কাৰ কৰিব লাগে। এই কামটো কৰিলে বেক্টেৰিয়া জমা নহয়।
২) খোৱাৰ পিছত গাৰ্গল কৰাঃ খোৱাৰ পাছত খাদ্য আমাৰ দাঁতত লাগি থাকে, যিটো উলিয়াই লোৱাটো অতি প্ৰয়োজনীয়, নহ’লে তাত বীজাণু জমা হ’বলৈ আৰম্ভ কৰে আৰু ইয়াৰ ফলত দাঁত ক্ষয়ৰ সৃষ্টি হ’ব পাৰে। ইয়াৰ পৰা হাত সাৰিবলৈ যেতিয়াই কিবা এটা খাব তেতিয়াই মুখখন ধুই ল’ব আৰু কুলকুলি বা গাৰ্গল কৰিব।
৩) ডেণ্টেল ফ্লাছ ব্যৱহাৰ কৰকঃ আপুনি নিশ্চয় প্ৰায়ে অনুভৱ কৰে যে খোৱাৰ পিছত ফল-মূল, শাক-পাচলি বা মাংসৰ আঁহবোৰ দাঁতৰ ফাঁকত আবদ্ধ হৈ পৰে। ইয়াৰ বাবে আপুনি ডেণ্টেল ফ্লাছ ব্যৱহাৰ কৰিব পাৰে। ই দাঁতৰ মাজত থকা মলি সহজে আঁতৰাই পেলায়।
৪) এইবোৰ বস্তুৰ পৰা আঁতৰি থাককঃ আমাৰ নিজৰ অভ্যাসে দাঁত দুৰ্বল বা লেতেৰা কৰি তোলে, ইয়াৰ বাবে আপুনি কিছুমান অভ্যাসৰ পৰা আঁতৰি থাকিব লাগিব। যেনে চোডা পানীয় খোৱা, মদ খোৱা, ধূমপান কৰা, বেছিকৈ মিঠাই খোৱা, ধঁপাত আৰু পান। এই সকলোবোৰ বস্তুৱে স্বাস্থ্যৰ যথেষ্ট ক্ষতি কৰে।
Continue Reading
