ডায়বেটিছ ৰোগীয়ে কুঁহিয়াৰৰ ৰস খোৱা উচিতনে, জানো আহক বিশেষজ্ঞৰ পৰা…

ডিজিটেল : গ্ৰীষ্মকালত শীতল পানীয় হিচাপে কুঁহিয়াৰৰ ৰসৰ বিশেষ সমাদৰ দেখা যায়। ই শৰীৰলৈ পানীৰ লগতে আইৰণ, খনিজ পদাৰ্থকে ধৰি বহুতো পুষ্টিকৰ উপাদান যোগান ধৰে। কুঁহিয়াৰ মিঠা হ’লেও কিন্তু ইয়াৰ আছে স্বাস্থ্যজনিত বহুতো লাভালাভ। এই ৰস চেনি, নিমখ, নেমু আৰু বৰফ মিহলাই প্ৰস্তুত কৰা হয়। যিহেতু কুঁহিয়াৰৰ সোৱাদ মিঠা, গতিকে মধুমেহ ৰোগীয়ে এই ৰস খোৱা উপযোগী হয় নে নহয় জানো আহক।

 পুষ্টিকৰ উপাদানৰে সমৃদ্ধঃ-কুঁহিয়াৰৰ ৰসত মিঠা সম্পূৰ্ণৰূপে নাথাকে। ইয়াত ৭০ৰ পৰা ৭৫ শতাংশ পানী থাকে, ১৫ শতাংশপৰ্যন্ত আঁহ আৰু প্ৰায় ১৫ শতাংশ চেনি থাকে। কুঁহিয়াৰৰ ৰসত ফেনলিক আৰু ফ্লেভ’ইড এণ্টিঅক্সিডেন্টৰ উপৰি পটেছিয়ামো পোৱা যায়।

 কুঁহিয়াৰৰ ৰসত কিমান চেনি থাকে?

প্ৰায় ২৪০ মিলিলিটাৰ কুঁহিয়াৰৰ ৰস গ্ৰহণ কৰিলে ইয়াত চেনিৰ পৰিমাণ ৫০ গ্ৰামপৰ্যন্ত পোৱা যায়। ইয়াৰ উপৰি কেলৰি ১৮৩ আৰু আঁহ ১৩ গ্ৰামলৈকে পোৱা যায়। বিশেষজ্ঞসকলৰ মতে ২৪০ মিলিলিটাৰ কুঁহিয়াৰৰ ৰসত ৫০ গ্ৰাম অৰ্থাৎ ১২ চামুচৰ সমান। একে সময়তে আমেৰিকান হাৰ্ট এছ’চিয়েচনে কয় যে পুৰুষে সৰ্বাধিক ৯ চামুচ আৰু মহিলাই ৬ চামুচ চেনি খাব লাগে। ইয়াতকৈ বেছি চেনি খালে স্বাস্থ্যৰ ক্ষতি হ’ব পাৰে। আনহাতে কুঁহিয়াৰৰ ৰসত থাকে ১২ চামুচ চেনি সমপৰিমাণৰ।

 ডায়বেটিছ ৰোগীৰ ক্ষতি কৰিব পাৰেঃ-চেনিয়ে শৰীৰত গ্লুক’জৰ মাত্ৰা বৃদ্ধিৰ কাম কৰে। ইনচুলিনৰ সঠিক অভাৱৰ বাবে গ্লুক’জ নিয়ন্ত্ৰণ বজাই ৰখা নহয়। সেইবাবেই ডায়েবেটিছ ৰোগীক চেনিযুক্ত পানীয় নাখাবলৈ পৰামৰ্শ দিয়া হয়। চেনিৰ বাবে শৰীৰত ছুগাৰৰ মাত্ৰা অতি দ্ৰুতগতিত বৃদ্ধি পাব পাৰে। সেইবাবেই ডায়বেটিছ ৰোগীয়ে কুঁহিয়াৰৰ ৰসৰ খোৱাৰ পৰা বিৰত থকা উচিত।