ডিজিটেল ডেস্কঃ ডব্লিউটিচি ফাইনেল ২০২৩ ত আউট হোৱাৰ পিছত নেটিজেনৰ ৰোষত পৰিছে বিৰাট কোহলী। ৮ জুনত বিশ্ব টেষ্ট চেম্পিয়নশ্বিপ (ডব্লিউটিচি) ২০২৩ ৰ ফাইনেলত বিৰাট কোহলীয়ে মাত্ৰ ১৪ ৰান সংগ্ৰহ কৰিবলৈ সক্ষম হৈছে। তাৰ পিছতে তেওঁ আউট হয়। অধিক ৰাণ সংগ্ৰহ কৰাত বিফল হোৱাৰ বাবেই বিৰাট এতিয়া সামাজিক মাধ্যমত মিমৰ বিষয়বস্তু হৈ পৰিছে।
হিন্দী চলচ্চিত্ৰ ৩ ইডিয়টছৰ এটা আইকনিক দৃশ্যৰ কথা উল্লেখ কৰি এজন টুইটাৰ ব্যৱহাৰকাৰীয়ে বিৰাট কোহলীকলৈ প্ৰস্তুত কৰা এটা মিম শ্বেয়াৰ কৰি কয়: "এটা ডাঙৰ দ্বিধা আছিল: আনজন বেটাৰক অনুপ্ৰাণিত কৰা হওঁক বা নিজে দায়িত্ব ল'ব লাগে নে সেয়া চিন্তা কৰক। মই সকলো বোৰ একাষৰীয়া কৰি থৈ মটাৰ পনীৰৰ বিষয়ত গুৰুত্ব দিয়াৰ সিদ্ধান্ত লৈছিলো।" আন এটা মিমত কোহলীক শচীন তেণ্ডুলকাৰৰ সৈতে তুলনা কৰা হৈছে।
ৰয়েল চেলেঞ্জাৰ্ছ বাংগালোৰ (আৰচিবি)ৰ গুজৰাট টাইটানছৰ (জিটি) হাতত পৰাজিত হোৱাৰ পিছত কোহলীৰ প্ৰতিক্ৰিয়া আৰু ডব্লিউটিচিৰ ফাইনেলত আউট হোৱাৰ পিছত তেওঁৰ খোৱা-বোৱাকলৈ এতিয়া নেটিজেন সকলে ব্যাপক চৰ্চা কৰিছে। বহুতৰ মতে খেলত কৈ বিৰাটে এতিয়া খোৱাতহে বেছি মন দিছে। বিৰাট কোহলীকলৈ খেলৰপ্ৰেমীসকলে ডব্লিউটিচি ২০২৩ ৰ ফাইনেলত বহু ভাল প্ৰদৰ্শন আশা কৰিছিল। বিশেষকৈ তেওঁ ফৰ্মলৈ উভতি অহাৰ পিছত সকলোৱে বিৰাটৰ বেটৰ পৰা যাদুকৰী ৰানৰ জোৱাৰ উঠিব বুলি ভাবিছিল। কিন্তু সেয়া নহ’ল।
কোহলীয়ে টেষ্ট ক্ৰিকেটত এক গুৰুত্বপূৰ্ণ অভিলেখ গঢ়িছে। তেওঁৰ লক্ষ্য হৈছে কিংবদন্তি ডন ব্ৰেডমেনৰ কেৰিয়াৰৰ শতকৰ সংখ্যাৰ প্ৰতিদ্বন্দ্বিতা কৰা।অষ্ট্ৰেলিয়ান ক্ৰিকেট দলৰ বিৰুদ্ধে এক আকৰ্ষণীয় ট্ৰেক ৰেকৰ্ডত কোহলীয়ে ২৪ খন মেচত মুঠ ১৯,৭৯ ৰান সংগ্ৰহ কৰিছিল। কিন্তু শেহতীয়াকৈ তেওঁ মাত্ৰ ১৪ ৰানহে কৰিছে। সেই কথাতে খং উঠিছে নেটিজেনৰ।
Continue Reading
