ডিজিটেল ডেস্কঃ ধৰ্ষণৰ গোচৰত অভিযুক্ত শ্ৰীলংকাৰ ক্ৰিকেটাৰ গুণতিলকক কোনো পধ্যে বিচাৰৰ পৰা ৰেহাই দিয়া নহ’ব। ইতিমধ্যে খেলুৱৈজনক শ্ৰীলংকা ক্ৰিকেটৰ পৰা নিষিদ্ধ কৰা হৈছে। তেওঁক যোৱা বছৰৰ নৱেম্বৰ মাহতে গ্ৰেপ্তাৰ কৰা হৈছিল গুণতিলকক যোৱা মাহত চাৰিটা অভিযোগৰ তিনিটাৰ পৰা মুক্তি দিয়া হৈছিল। বাকী থকা গোচৰটোৰ পৰা অৱশ্যে তেওঁক মুক্ত কৰা হোৱা নাই।
শেহতীয়াকৈ চিডনীৰ এখন আদালতে শ্ৰীলংকাৰ খেলুৱৈজনে সন্মতি অবিহনে যৌন সম্ভোগ কৰাৰ অভিযোগ সন্দৰ্ভত শুনানি গ্ৰহণ কৰিছিল। অষ্ট্ৰেলিয়াৰ এক সংবাদ মাধ্যমৰ প্ৰতিবেদনত কোৱা হৈছে যে শ্ৰীলংকাৰ ক্ৰিকেটাৰজনে জামিনৰ চৰ্ত শিথিল কৰিব বিচাৰি আবেদন কৰিছিল। তেওঁ আদালতত প্ৰতিদিনে উপস্থিত হোৱাৰ পৰিৱৰ্তে সপ্তাহত তিনিদিন উপস্থিত থকাৰ অনুমতি বিচাৰি অনুৰোধ কৰিছিল।
শ্ৰীলংকাৰ ক্ৰিকেটাৰ গুণতিলকৰ বিৰুদ্ধে টি-২০ বিশ্বকাপৰ মাজভাগত ধৰ্ষণৰ অভিযোগ উত্থাপন হৈছিল। নিউ চাউথ ৱেলছ পুলিচে তেওঁক গ্ৰেপ্তাৰ কৰিছিল। গুণতিলকক গ্ৰেপ্তাৰ কৰাৰ পিছত শ্ৰীলংকাৰ ক্ৰিকেট বোৰ্ডে কৈছিল যে তেওঁলোকে পৃথকে তদন্ত কৰিব। যদি গুণতিলক দোষী সাব্যস্ত হয় তেন্তে তেওঁৰ বিৰুদ্ধে কঠোৰ ব্যৱস্থা গ্ৰহণ কৰা হ'ব। তাৰ পিছত তেওঁক শ্ৰীলংকাৰ বোৰ্ডে তেওঁক নিলম্বিত কৰিছিল।
গুণতিলকে যোৱা বছৰৰ নৱেম্বৰ মাহত জামিন লাভ কৰিছিল। তেওঁক ২,০০,০০০ অষ্ট্ৰেলিয়ান ডলাৰৰ বিনিময়ত জামিন দিয়া হৈছিল। তেওঁৰ বিৰুদ্ধে চাৰিটা ধৰ্ষণৰ অভিযোগ উত্থাপন হৈছে । সন্মতি অবিহনে শাৰীৰিক সম্পৰ্কত লিপ্ত হোৱাৰ উপৰি তেওঁ মহিলাক শ্বাসৰুদ্ধ কৰাৰো অভিযোগ উত্থাপিত হৈছে।
Continue Reading
