ডিজিটেল ডেস্কঃ কেন্দ্ৰীয় গৃহমন্ত্ৰী অমিত শ্বাহে উন্নত প্ৰযুক্তিৰ সহায়ত জম্মু-কাশ্মীৰৰ নিয়ন্ত্ৰণ ৰেখা (এলঅ'চি) আৰু পঞ্জাৱ-ৰাজস্থান সীমান্তত ড্ৰোন আক্ৰমণৰ মোকাবিলা কৰিবলৈ আহ্বান জনাইছে। তেওঁ সেনা আৰু বিএছএফক এই সন্দৰ্ভত প্ৰয়োজনীয় গৱেষণাৰ বাবে পৰামৰ্শ দছে। শ্বাহৰ পৰামৰ্শ অনুসৰণ কৰি, সেনা আৰু বিএছএফে এই ক্ষেত্ৰত জেমাৰ বন্দুক ব্যৱহাৰৰ ওপৰত জোৰ দিছে।
ৰাজীৱ গান্ধীৰ শাসনকালত ক্ৰয় কৰা ১৫৫ মিমি বফৰ্ছ হাউইৎজাৰ নহয়, বৰঞ্চ দ্বিতীয় বিশ্বযুদ্ধত ব্ৰিটিছ-ভাৰতীয় বাহিনীয়ে ব্যৱহাৰ কৰা ৪০ মিমি এণ্টি-এয়াৰক্ৰাফ্ট স্বয়ংক্ৰিয় কামান (অটো কামান) কেইবছৰমান আগতে সীমান্তত পাকিস্তানী ড্ৰোন আক্ৰমণৰ মোকাবিলা কৰিবলৈ ব্যৱহাৰ কৰা হৈছিল। ৮৫ বছৰীয়া বোফৰ্ছ এল-৭০-য়েও বিমান বিৰোধী কামানৰ সহায়ত কিছু সফলতা অৰ্জন কৰিছে। ৫০০ মিটাৰ পৰ্যন্ত যিকোনো উৰণলক্ষ্য ধ্বংস কৰিবলৈ সক্ষম এই পাতল স্বয়ংক্ৰিয় কামানবোৰ নিয়ন্ত্ৰণ ৰেখা আৰু সীমান্তৰ বিভিন্ন এলেকাত মোতায়েন কৰা হৈছে।
কিন্তু শ্বাহে গুলীবৰ্ষণ কৰাৰ লগতে ড্ৰোন আক্ৰমণ বন্ধ কৰাৰ এটা বিকল্প উপায় সৃষ্টি কৰিব বিচাৰে। আৰু তাতেই 'জেমাৰ বন্দুক'ৰ বিষয়টো আহে। ডেৰ কিলোমিটাৰ পৰিসৰৰ এই 'জেমাৰ গান'টোৱে কোনো গুলী নিক্ষেপ নকৰে। ইয়াৰ পৰা ওলাই অহা বিশেষ কম্পনাঙ্কৰ ঢৌৱে উৰণীয়া ড্ৰোনৰ নিয়ন্ত্ৰক তৰংগক সংযোগহীন কৰে। ফলস্বৰূপে, ড্ৰোনটো মাটিত পৰি যায়। গৃহ মন্ত্ৰালয়ৰ সূত্ৰঅনুসৰি, ইতিমধ্যে কিছুমান ড্ৰোন সেনা আৰু বিএছএফক হস্তান্তৰ কৰা হৈছে। পঞ্জাৱ সীমান্তত পৰীক্ষামূলক ব্যৱহাৰৰ ফলাফলো পোৱা গৈছে।
Continue Reading
