ডিজিটেল ডেস্কঃ এইবাৰ ২৬ ছেপ্টেম্বৰৰ পৰা আৰম্ভ হ'ব শাৰদীয় নৱৰাত্ৰি। আৰু ৫ অক্টোবৰলৈকে চলিব শাৰদীয় দুৰ্গোৎসৱ। এইবাৰ হাতীত উঠি ধৰালৈ আহিব মা দুৰ্গা। নৱৰাত্ৰিৰ ৯ দিনত প্ৰতিদিনে ৯ টা ভিন্ন ৰূপত মা দুৰ্গাৰ পূজা কৰা হয়। বহু হিন্দু ভক্তই ৯ দিন শ্ৰদ্ধাৰে মা দুৰ্গাৰ ৯ শক্তিৰ পূজা কৰে।
নৱৰাত্ৰি পালন কৰিলে দেৱী দুৰ্গাই ভক্তসকলৰ সকলো ইচ্ছা পূৰণ কৰে বুলি বিশ্বাস কৰা হয়। দুৰ্গা পূজাৰ আগে আগে প্ৰতিজন লোকৰ মনতে প্ৰশ্ন এটা থাকে এইবাৰ দেবীৰ আগমন কিহত আৰু গমন অৰ্থাৎ বিদায় কোন বাহনত?
প্ৰতি বছৰে মা দুৰ্গা কোনো এক বাহনত উঠি আহে। পঞ্জিকা মতে দেৱীৰ এইবাৰ আগমন হাতীত। হাতীত উঠি দুৰ্গা মাতৃ পৃথিৱীলৈ অহাটো অতি শুভ বুলি বিবেচিত হয়। ধৰ্মীয় দৃষ্টিকোণৰ পৰা হাতীত উঠি মাকৰ আগমন অতি শুভ বুলি গণ্য কৰা হয়। হাতীক জ্ঞান আৰু সমৃদ্ধিৰ প্ৰতীক বুলি গণ্য কৰা হয়। দেৱী দুৰ্গা হাতীত উঠি আহিলে ভক্তসকলৰ জীৱনত সুখ আৰু সমৃদ্ধি বৃদ্ধি পায় বুলি বিশ্বাস কৰা হয়। দেশত অৰ্থনৈতিক সমৃদ্ধি আৰু জ্ঞান বৃদ্ধি হ’ব।
আনহাতে এইবাৰ দেৱীৰ গমনো হ'ব হাতীত। অৰ্থাৎ পৃথিৱীৰ পৰা মাতৃ দুৰ্গাৰ প্ৰস্থানো হ’ব হাতীত উঠি। মা দুৰ্গাই হাতীত উঠি গমন কৰিলে প্ৰচণ্ড বৰষুণ দিয়াৰ ইংগিত দিয়ে।
Continue Reading
