ডিজিটেল ডেস্ক: মহাৰাষ্ট্ৰৰ উপ-মুখ্যমন্ত্ৰী তথা বিজেপি নেতা দেৱেন্দ্ৰ ফাড়নবীছৰ পত্নী অম্ৰূতা ফাড়নবীছক ১ কোটি টকাৰ উৎকোচ প্ৰস্তাৱ কৰা মহাৰাষ্ট্ৰৰ এগৰাকী পোছাক শিল্পী অনীক্ষা জয়সিংহানী আৰু তেওঁৰ পিতৃ অনিল জয়সিংহানীৰ বিৰুদ্ধে মুম্বাই আৰক্ষীয়ে এটা অপৰাধমূলক ষড়যন্ত্ৰৰ গোচৰ ৰুজু কৰিছে৷
অনীক্ষা নামৰ এগৰাকী নিজকে পোছাক শিল্পী বুলি পৰিচয় দিয়া মহিলাই এটি পুৰণি ফৌজদাৰী গোচৰৰ মীমাংসাৰ বাবে অম্ৰূতাক ১ কোটি টকাৰ উৎকোচ প্ৰদান কৰাৰ প্ৰস্তাৱ প্ৰদান কৰিছিল৷ উল্লেখযোগ্য যে তেওঁৰ পিতৃ অনিল জয়সিংহানীৰ বিৰুদ্ধে জুৱা,ধনদাবী, ক্ৰিকেট বেটিং আৰু ভুল তথ্যৰে চৰকাৰী কৰ্মচাৰীক পথভ্ৰষ্ট কৰাৰ অপৰাধত মহাৰাষ্ট্ৰ, গোৱা আৰু অসমত গোচৰ ৰুজু হৈ আছে৷
মুখ্যমন্ত্ৰী একনাথ সিন্ধে নেতৃত্বাধীন শিৱসেনা (সিন্ধে) আৰু বিজেপিৰ মৰ্চা চৰকাৰৰ উপ-মুখ্যমন্ত্ৰী দেৱেন্দ্ৰ ফাড়নবীছৰ হাতত আছে গৃহ মন্ত্ৰালয়৷ সেই ক্ষমতা প্ৰয়োগ কৰি অম্ৰূতাক অনীক্ষাৰ বিৰুদ্ধে থকা ফৌজদাৰী গোচৰৰ মীমাংসাৰ বাবে বাৰে বাৰে অনুৰোধ জনাইছিল৷
মুম্বাই আৰক্ষীৰ এটা সূত্ৰই জনোৱা অনুসৰি, গত ১৬ মাহত অনীক্ষা আৰু তেওঁৰ পিতৃয়ে অম্ৰূতাৰ লগত একাধিকবাৰ যোগাযোগ কৰিছিল৷ তদুপৰি ১৮ আৰু ১৯ ফেব্ৰুৱাৰীত এটা অজ্ঞাত নম্বৰৰ পৰা মন্ত্ৰী পত্নী অম্ৰূতাক অডিঅ’ বাৰ্তা প্ৰেৰণ কৰিছিল৷ উক্ত বাৰ্তাটো টকা দিয়া আৰু লোৱাৰ বহু তথ্য উৎঘাটিত গৈছে৷ সেইসমূহ তথ্যৰ ভিত্তিত ইতিমধ্যেই আৰক্ষীয়ে অনীক্ষাৰ বিৰুদ্ধে তদন্ত আৰম্ভ কৰিছে৷
Continue Reading
