দীপিকাই দিলে প্ৰেমৰ সংজ্ঞা: ৰণবীৰৰ সৈতে কেনেদৰে পাৰ কৰিলে ১০টা বছৰ!

ডিজিটেল ডেস্ক: বলীউডত ‘প্ৰেম’ৰ প্ৰতীক হোৱা এক দম্পতী হ’ল - দীপিকা পাডুকন আৰু ৰণবীৰ সিং। বলীউডৰ দুজন আটাইতকৈ প্ৰতিভাশালী তাৰকা৷ তেওঁলোক দুয়োৱে ইজনে-সিজনক লগ পাইছিল শ্বুটিঙৰ ছেটত। সঞ্জয় লীলা ভাঞ্চালীৰ বেক টু বেক ৩খন ছবিৰ পাছত, দীপিকা আৰু ৰণবীৰে অৱশেষত ২০১৮ চনৰ নৱেম্বৰত বিবাহৰ মোহৰ মাৰিছিল৷ দুয়োৱে পাতনি মেলিছিল যুগ্ম জীৱনৰ৷ দীৰ্ঘদিন ধৰি একেলগে থকাৰ পাছত, দীপিকাই অলপতে প্ৰকাশ কৰিছিল যে এতিয়া তেওঁৰ বাবে প্ৰেমৰ অৰ্থ কি? আনকি এই বৰ্ষতো প্ৰেমৰ মাইলৰ খুঁটি হিচাপে অবিহিত কৰে দীপিকাই৷ এটা অনুষ্ঠানত ৰেডিঅ’ চিটীৰ সঞ্চালকৰ সৈতে হোৱা বাৰ্তালাপত দীপিকাক সোধা হৈছিল যে এতিয়া তেওঁৰ বাবে প্ৰেমৰ অৰ্থ কি? এই প্ৰশ্নটোৱে যেন ভাবুক কৰি তুলিছিল অভিনেত্ৰীগৰাকীক৷ দীপিকাই ৰণবীৰৰ সৈতে কটোৱা ৰোমাঞ্চকৰ সময়বোৰৰ বিষয়ে কৈ তেওঁলোক দুয়োৰে ১০ বছৰ সম্পূৰ্ণ হোৱাৰ কথাও প্ৰকাশ কৰিছিল। দীপিকাই কয় যে, ‘আমাৰ মাজত আছিল বন্ধুত্ব, ইজনে-সিজনৰ মাজত সহযোগ, বিশ্বাস, যোগাযোগ থাকিব লাগিব আৰু মই ভাবো, যদিও মই চলচ্চিত্ৰ উদ্যোগত ১৫ বছৰ সম্পূৰ্ণ কৰিছো, কিন্তু আমি একেলগে ১০ বছৰ সম্পূৰ্ণ কৰিছো। এয়া বহুতেই নাজানে৷’ বিগত কেইসপ্তাহমানৰ পৰা, দীপিকাই তেওঁৰ ছবি গেহৰিয়ানৰ প্ৰচাৰত ব্যস্ত হৈ পৰছিল৷ আনহাতে ছবিখনক লৈ দীপিকা আৰু ৰণবীৰৰ বহু উৰাবাতৰিও ওলাইছিল৷ এই উৰা বাতৰিৰ সন্দৰ্ভত দীপিকাই প্ৰকাশ কৰিছিল যে কেনেদৰে ৰণবীৰে শ্বকুন বাত্ৰাৰ সৈতে কাম কৰাৰ বাবে অধিক উৎসাহিত হৈছিল। আনকি ৰণবীৰে দীপিকাৰ ছবি 'গেহৰিয়ান'ৰ সকলো পোষ্ট শ্বেয়াৰ কৰিছিল৷ ইফালে, দীপিকা, সিদ্ধান্ত চতুৰ্বেদী, অনন্যা পাণ্ডে আৰু ধৈৰ্য কাৰৱা অভিনীত গেহৰিয়ানৰ পৰিচালনা কৰিছে শকুন বাত্ৰাই আৰু কৰণ জোহৰে। আমাজন প্ৰাইম ভিডিঅ’ত ১১ ফেব্ৰুৱাৰীত শুভমুক্তি লাভ কৰিব ছবিখনে।