‘তেজস্বীয়ে নষ্ট কৰিলে মোৰ কেৰিয়াৰ’- অভিযোগ প্ৰেমিক কৰণৰ

ডিজিটেল ডেস্ক: বিগ বছ-১৫ৰ বিজয়ী তেজস্বী প্ৰকাশক লৈ তেওঁৰ প্ৰেমিকে দিছে অভিযোগ৷ প্ৰেমিক কৰণ কুন্দ্ৰাই তেজস্বী প্ৰকাশৰ কেৰিয়াৰ নষ্ট কৰাৰ অভিযোগ উত্থাপন কৰে৷ তেজস্বী প্ৰকাশে বিগ বছ ১৫ খিতাপ জয় কৰাৰ পাছত আটাইতকৈ জনপ্ৰিয় টেলিভিছন শিল্পীসকলৰ মাজৰ এজন হৈ পৰিছে। তেওঁ কেৱল মনোৰঞ্জনৰ বাবেই নহয়, সহ-প্ৰতিযোগী কৰণ কুন্দ্ৰাৰ সৈতে তেওঁৰ ৰোমান্টিক সম্পৰ্কৰ বাবেও ৰিয়েলিটী শ্ব’ত যথেষ্ট সমৰ্থন লাভ কৰিছিল। শেহতীয়াকৈ সংবাদ মাধ্যমৰ সৈতে হোৱা বাৰ্তালাপত তেজস্বীয়ে কয় যে কেনেদৰে কৰণে প্ৰায়ে বিগ বছৰ ঘৰত একেলগে থকা সময়ত তেওঁৰ ভাবমূৰ্তি আৰু কেৰিয়াৰ নষ্ট কৰাৰ অভিযোগ উত্থাপন কৰে। ইয়াৰ উপৰি তেজস্বীয়ে একতা কাপুৰৰ সহযোগত নিৰ্মিত হোৱা তেওঁৰ আহিবলগীয়া ধাৰাবাহিক নাগিন ৬-ৰ বাবে চৰ্চাত আহে৷ এইবৰ্ষৰে ১২ ফেব্ৰুৱাৰীত আৰম্ভ হ'ব৷ আনহাতে, শেহতীয়া বাৰ্তালাপত তেজস্বী প্ৰকাশে প্ৰেমিক কৰণ কুন্দ্ৰাৰ সৈতে তেওঁৰ সম্পৰ্ক আৰু একেলগে সময়ৰ বিষয়ে কিছু কথা প্ৰকাশ কৰিছিল। কৰণে কেতিয়াও তেওঁৰ সংগীৰ বাবে 'বেবী'ৰ দৰে মিঠা শব্দ ব্যৱহাৰ কৰা নাছিল, তেজাৰ সৈতে সম্পৰ্কলৈ অহাৰ পাছৰে পৰা সেইটো সলনি হৈছে। তেজাই কয়, 'কৰণে প্ৰায়ে মোক কয় যে তেওঁ নিজেও আচৰিত হয়৷ কিয়নো তেওঁ কেতিয়াও ভবা নাছিল যে তেওঁ কেতিয়াও কোনো সম্পৰ্কত 'বেবী' বুলি মাতিব৷ বিগ বছ ১৫ ৰ পাছত কৰণ কুন্দ্ৰাই কেনেদৰে তেওঁৰ ভাবমূৰ্তি প্ৰভাৱিত হৈছে বুলি অনুভৱ কৰে সেই বিষয়ে বৰ্ণনা কৰি তেজস্বী প্ৰকাশে কয়, “কৰণে মোক কয়, ‘মোৰ ছবি বহুত বেয়া হৈ গ’ল৷ মই খঙাল স্বভাৱৰ আছিলো, তুমি মোৰ কেৰিয়াৰ নষ্ট কৰি দিলা, এতিয়া মোক সকলোৱে ছানী মাতে।’’