ডিজিটেল ডেস্কঃ শৰীৰত বেয়া কলেষ্টেৰল বৃদ্ধি মানে হৃদৰোগৰ আমন্ত্ৰণ! যদি আপুনি হৃদযন্ত্ৰৰ সমস্যাৰ পৰা আঁতৰি থাকিব বিচাৰে তেন্তে সময়ত কলেষ্টেৰল নিয়ন্ত্ৰণ কৰাটো অতি প্ৰয়োজনীয়। কলেষ্টেৰল বৃদ্ধি হ’লে শৰীৰত কিছুমান লক্ষণ দেখা দিয়ে। আমাৰ কিছুমান অংগত বিষ হ’লে কলেষ্টেৰল বেছি হোৱাৰ ইংগিত পোৱা যায়। যদি ইয়াক চিনাক্ত কৰিব পাৰে, তেন্তে গুৰুতৰ সমস্যাৰ পৰা হাত সাৰিব পৰা যায়। উচ্চ কলেষ্টেৰল কেনেকৈ চিনাক্ত আৰু নিয়ন্ত্ৰণ কৰিব পাৰি জানো আহক।
কলেষ্টেৰল কেনেকৈ চিনাক্ত কৰিব পাৰি
কলেষ্টেৰলৰ বাবে শৰীৰৰ কিছু অংশত দ্ৰুত বিষৰ লক্ষণ দেখা দিব পাৰে। ধমনীত জমা হোৱা কলেষ্টেৰলে ইহঁতৰ ক্ষতি কৰে, ইয়াৰ ফলত পেশীবোৰ জঠৰ হৈ পৰে আৰু তীব্ৰ বিষ হয়। কলেষ্টেৰল বৃদ্ধি হ’লে উৰুৰ তলৰ অংশ, আঁঠু আৰু ভৰিৰ বিষৰ লক্ষণ দেখা দিয়ে। ভৰিৰ পেশীবোৰ জঠৰ হোৱাৰ বাবে খোজ কঢ়াতো সমস্যা হ’ব পাৰে। যদি কলেষ্টেৰল বৃদ্ধিৰ লক্ষণ দেখা যায়, তেন্তে কিছুমান টিপছ গ্ৰহণ কৰি নিয়ন্ত্ৰণ কৰিব পাৰে।
জীৱনশৈলীৰ পৰিৱৰ্তন কৰক
কলেষ্টেৰল নিয়ন্ত্ৰণ কৰিবলৈ জীৱনশৈলী সলনি কৰাটো অতি প্ৰয়োজনীয়। মদ্যপান আৰু ধূমপানে কলেষ্টেৰল বৃদ্ধি কৰে, এনেবোৰ বস্তু লগে লগে এৰি দিব।
এনে খাদ্য গ্ৰহণ কৰক
সঠিক খাদ্যৰ অবিহনে কলেষ্টেৰল নিয়ন্ত্ৰণ কৰাটো অতি কঠিন। বেয়া কলেষ্টেৰল কম কৰিবলৈ ওমেগা ৩ ফেটি এচিড, এণ্টি অক্সিডেণ্ট, ফাইবাৰ আৰু ভিটামিন চি সমৃদ্ধ খাদ্য খাব লাগে।
ওজন নিয়ন্ত্ৰণ
মেদবহুলতাৰ লগে লগে কলেষ্টেৰল বৃদ্ধি পায়। যদি আপুনি কলেষ্টেৰল নিয়ন্ত্ৰণ কৰিব বিচাৰে তেন্তে ওজন নিয়ন্ত্ৰণ কৰাটো প্ৰয়োজনীয়। এনে পৰিস্থিতিত চৰ্বিযুক্ত বস্তু খোৱা কমাব লাগে। অধিক সংখ্যক ফল-মূল আৰু শাক-পাচলিক আপোনাৰ খাদ্যৰ অংশ হিচাপে লওক।
শাৰীৰিক কাৰ্য্যকলাপ
শাৰীৰিক কাৰ্য্যকলাপে কলেষ্টেৰল কমায়। কলেষ্টেৰল হ্ৰাস কৰিবলৈ দৈনিক ব্যায়াম কৰক। যোগাসন কৰিলে হৃদযন্ত্ৰ আৰু কলেষ্টেৰলৰ বাবে উপকাৰী হ’ব। লঘু ৱৰ্কআউটৰ দ্বাৰাও কলেষ্টেৰল হ্ৰাস কৰিব পাৰি।
Continue Reading
