ডিজিটেল ডেস্কঃ গুৱাহাটী দবা একাডেমীয়ে ২২ জানুৱাৰী, ২০২৩ তাৰিখে ৰাধা গোবিন্দ বৰুৱা পথত অৱস্থিত একাডেমি চৌহদত দেওবৰীয়া ৰেপিড দবা প্ৰতিযোগিতাৰ আয়োজন কৰিছে। প্ৰতিযোগিতা খন ছুইছ লীগ পদ্ধতিত ৬ ৰাউণ্ডৰ বাবে অনুষ্ঠিত হব।
প্ৰথম পাঁচটা স্থান অধিকাৰ কৰা খেলুৱৈ সকলক নগদ ধন আৰু ট্ৰফী প্ৰদান কৰা হব। অনুৰ্দ্ধ ৭ বছৰ, অনুৰ্দ্ধ ৯ বছৰ, অনুৰ্দ্ধ ১১ বছৰ, অনুৰ্দ্ধ ১৩ বছৰ আৰু অনুৰ্দ্ধ ১৫ বছৰ শাখাৰ প্ৰথম তিনিটা স্থান অধিকাৰ কৰা খেলুৱৈ সকলক মেডেল প্ৰদান কৰা হব। ইয়াৰ উপৰি প্ৰতিযোগিতাৰ শ্ৰেষ্ঠ ছোৱালী খেলুৱৈক ট্ৰফী প্ৰদান কৰা হব।
প্ৰতিযোগিতা খন ২২ জানুৱাৰীৰ পুৱা ১০ বজাত আৰম্ভ হব আৰু সেই দিনাই আবেলি ৪ বজাত বটাঁ বিতৰণী অনুষ্ঠিত হব।প্ৰতিযোগিতাখনত সৰ্বাধিক ৪০ জন প্ৰতিযোগীয়ে ভাগ লব পাৰিব। ইচ্ছুক প্ৰতিযোগী সকলে যোগদানৰ বাবে গুৱাহাটী দবা একাডেমিৰ মুখ্য প্ৰশিক্ষক প্ৰণৱ কুমাৰ নাথৰ লগত যোগাযোগ কৰিব পাৰে।যোগাযোগৰ ফোন নম্বৰ 84020 20073৷
Continue Reading
