ডিজিটেল ডেস্ক: দেওবাৰে পুৱা প্ৰধানমন্ত্ৰী নৰেন্দ্ৰ মোদীক গৃহৰাজ্য গুজৰাটৰ বেট দ্বাৰকা মন্দিৰত বিশেষ প্ৰাৰ্থনা কৰা দেখা গ’ল৷ ইয়াৰ পাছতে প্ৰধানমন্ত্ৰীগৰাকীয়ে Okha mainlandক বেইট দ্বাৰকা দ্বীপৰ সৈতে সংযোগ কৰা সুদৰ্শন সেতুৰ উদ্ঘাটন কৰে৷
মোদীয়ে উদ্ঘাটন কৰা সুদৰ্শন সেতুখনত ভাগৱতৰ শ্লোক আৰু শ্ৰীকৃষ্ণৰ চিত্ৰৰে বিশেষভাৱে সজাই তোলা পদপথ আছে। সুদৰ্শন সেতুত স্থাপন কৰা হৈছে সৌৰ পেনেলো৷ এই ছ’লাৰ পেনেলৰ আছে এক মেগাৱাট বিদ্যুৎ উৎপাদন কৰাৰ ক্ষমতা৷
প্ৰায় ৯৮০ কোটি টকা ব্যয়সাপেক্ষে ২.৩২ কিলোমিটাৰ দৈৰ্ঘৰ দেশৰ ভিতৰতে সৰ্বাধিক দীঘল কেবল ষ্টেইড সুদৰ্শন সেতুখন নিৰ্মাণ কৰা হৈছে।
ওখা বন্দৰৰ ওচৰত অৱস্থিত বেইট দ্বাৰকা হৈছে দ্বাৰকা চহৰৰ পৰা প্ৰায় ৩০ কিলোমিটাৰ দূৰত্বত থকা এটা দ্বীপ, য’ত শ্ৰীকৃষ্ণৰ বাবে উৎসৰ্গিত দ্বাৰকাধীশ মন্দিৰ অৱস্থিত৷ গতিকে এতিয়াৰে পৰা ভক্তসকলৰ বাবে দ্বাৰকাধীশ মন্দিৰ দৰ্শন কৰা সহজ হৈ পৰিব।
Continue Reading
