ডিজিটেল ডেস্ক: উত্তৰ প্ৰদেশৰ বিজনোৰ জিলাৰ পৰা অহা এটা ভাল খবৰে সমগ্ৰ উত্তৰ প্ৰদেশকে গৌৰৱান্বিত কৰিছে৷ বিজনোৰৰ মডাৰ্ণ এৰা পাব্লিক স্কুলৰ নৱম শ্ৰেণীৰ ছাত্ৰী বংশিকা আগৰৱালক সমগ্ৰ পশ্চিম উত্তৰ প্ৰদেশৰ পৰা যুৱ বিজ্ঞানী প্ৰশিক্ষণ কাৰ্যসূচীৰ বাবে ইছৰোৱে বাছনি কৰিছে।
দৰাচলতে সমগ্ৰ ভাৰতৰ পৰা প্ৰায় ২ লাখ ৮৩ হাজাৰ ৬০৩ গৰাকী শিক্ষাৰ্থীয়ে এই যুৱ বিজ্ঞানী প্ৰশিক্ষণ কাৰ্যসূচীৰ বাবে পঞ্জীয়ন কৰিছিল। ইয়াৰ ভিতৰত ৩৫০গৰাকী শিক্ষাৰ্থীক বাছনি কৰা হৈছিল, যাৰ ভিতৰত বিজনোৰ জিলাৰ বংশিকা আগৰৱালে ১২২সংখ্যক স্থান লাভ কৰিছিল৷ বংশিকাৰ নিৰ্বাচনে কেৱল বিজনোৰ জিলাৰ নামেই নহয় সমগ্ৰ ৰাজ্যখনৰ নামেই আলোকিত কৰিছে।
ইছৰোত নৱম শ্ৰেণীৰ শিক্ষাৰ্থীগৰাকীক কেনেদৰে বাছনি কৰা হৈছিল?
ইছৰোৱে বংশিকাৰ বাছনিৰ বাবে কেইবাটাও স্তৰ বিবেচনা কৰিছিল। ইয়াত অন্তৰ্ভুক্ত আছিল ৰাজ্যিক পৰ্যায়ৰ বিজ্ঞান আলোচনাচক্ৰত তেওঁৰ বাছনি, শিবিৰৰ দ্বাৰা পৰিচালিত বিজ্ঞান পৰীক্ষাত প্ৰথম স্থান, জিলা পৰ্যায়ত ক্ৰীড়াত প্ৰথম স্থান, ইছৰোৰ দ্বাৰা আয়োজিত অনলাইন কুইজ প্ৰতিযোগিতাত প্ৰথম স্থান আৰু বিদ্যালয়ত তেওঁৰ শৈক্ষিক প্ৰদৰ্শন।
ইছৰোৱে বংশিকাৰ প্ৰশিক্ষণৰ সম্পূৰ্ণ ব্যয় বহন কৰিব৷ যুৱ বিজ্ঞানীগৰাকীৰ বাবে পৰিবহণ আদিৰো সমগ্ৰ ব্যয় ভাৰত চৰকাৰ আৰু ইছৰোয়ে বহন কৰিব। প্ৰশিক্ষণটো অহা ১২ মে’ৰ পৰা ২৪ মে’লৈ ১২ দিন ধৰি চলিব। প্ৰশিক্ষণ কেন্দ্ৰটো বেংগালুৰুত অৱস্থিত। ইউ আৰ ৰাও এটা উপগ্ৰহ কেন্দ্ৰ য’ত শিক্ষাৰ্থীসকলে প্ৰশিক্ষণ গ্ৰহণ কৰে৷
Continue Reading
