ডিজিটেল ডেস্কঃ মাণ্ডিৰ লোকসভা নিৰ্বাচনৰ বিজেপিৰ প্ৰাৰ্থী কংগনা ৰাণাৱটে এক কাৰ্যসূচীত কৈছিল, "নেতাজী সুভাষ চন্দ্ৰ বসু ভাৰতৰ প্ৰথম প্ৰধানমন্ত্ৰী আছিল।" কংগনাৰ এনে মন্তব্যৰ পিছতে সমগ্ৰ দেশতে হৈ-চৈৰ সৃষ্টি হৈছিল। বহুতে কংগনাৰ অজ্ঞতাকলৈ ফিচিঙা-ফিচিঙি কৰিবলৈ আৰম্ভ কৰিছিল। ছ’চিয়েল মিডিয়াতো বিষয়টোকলৈ সমালোচনা হৈছিল। এনে সময়তে কংগনাৰ সমৰ্থনত ওলাই আহিছে অসমৰ মুখ্যমন্ত্ৰী হিমন্ত বিশ্ব শৰ্মা।
অসমৰ মুখ্যমন্ত্ৰী হিমন্ত বিশ্ব শৰ্মাই লোকসভা নিৰ্বাচন ২০২৪ত হিমাচল প্ৰদেশৰ মাণ্ডিৰ পৰা ভাৰতীয় জনতা পাৰ্টিৰ প্ৰাৰ্থী হিচাবে থিয় দিয়া কংগনা ৰাণাৱতৰ বক্তব্যক সমৰ্থন কৰি কৈছে যে ভাৰতৰ প্ৰথম প্ৰধানমন্ত্ৰী জৱাহৰলাল নেহৰু নহয়, সুভাষ চন্দ্ৰ বসু আছিল।ছ'চিয়েল মিডিয়া প্লেটফৰ্ম এক্সত এক পোষ্টত শৰ্মাই কয় যে নেতাজী সুভাষ চন্দ্ৰ বসুৱে ১৯৪৩ চনত জৱাহৰলাল নেহৰুৱে দায়িত্ব গ্ৰহণ কৰাৰ প্ৰায় চাৰি বছৰ আগতে আজাদ হিন্দ চৰকাৰ স্থাপন কৰিছিল আৰু আজাদ হিন্দ চৰকাৰক নখন দেশে ভাৰতৰ বৈধ চৰকাৰ হিচাপে স্বীকৃতি দিছিল।
সেয়ে সুভাষ চন্দ্ৰ বসুক প্ৰথম প্ৰধানমন্ত্ৰী বুলি কোৱা কথাষাৰ ভুল নহয়। মুখ্যমন্ত্ৰী শৰ্মাই ঔপনিৱেশিক দৃষ্টিভংগীৰে ইতিহাসৰ ব্যাখ্যা কৰাৰ প্ৰৱণতাক সমালোচনা কৰি ইয়াক "দাসত্বৰ মানসিকতা" বুলি অভিহিত কৰে। মুখ্যমন্ত্ৰী শৰ্মাই উল্লেখ কৰে "ক্ষমতা হস্তান্তৰৰ পিছত (ব্ৰিটিছৰ পৰা), পণ্ডিত নেহৰুৱে প্ৰধানমন্ত্ৰী হিচাপে শপত লোৱাৰ প্ৰায় চাৰি বছৰ আগতে নেতাজীয়ে আজাদ হিন্দ চৰকাৰ স্থাপন কৰিছিল, যাৰ তেওঁ মুৰব্বী আছিল। নখন দেশে আজাদ হিন্দ চৰকাৰক ভাৰতৰ বৈধ চৰকাৰ হিচাপে স্বীকৃতি দিছে।’’
Continue Reading
