ডিজিটেল ডেস্কঃ দেশৰ উদ্যোগখণ্ডলৈ বিশেষ পৰামৰ্শ আগবঢ়াইছে নাৰায়ণ মূৰ্তিয়ে৷শেহতীয়াকৈ ইনফ’ছিছৰ সহ-প্ৰতিষ্ঠাপক নাৰায়ণ মূৰ্তিয়ে কয় যে চৰকাৰে সম্পূৰ্ণৰূপে আন্তঃগাঁথনি প্ৰকল্পসমূহ অগ্ৰাধিকাৰত লোৱাৰ প্ৰয়োজন আৰু উদ্যোগটো এটা শ্বিফ্টৰ পৰিৱৰ্তে তিনিটা শ্বিফটত চলিব লাগে বুলি তেওঁ মন্তব্য কৰে।
বুধবাৰে বেংগালুৰু টেক ছামিটত জেৰোধাৰ সহ-প্ৰতিষ্ঠাপক নিখিল কামাথৰ সৈতে হোৱা কথা-বতৰাৰ সময়তে মূৰ্তিয়ে এই মন্তব্য কৰে, আনহাতে অহা ৫-১০ বছৰত বেংগালুৰুৰ উন্নয়নৰ বাবে প্ৰয়োজনীয়তাসমূহৰ বিষয়ে আলোচনা কৰে।দ্ৰুত আন্তঃগাঁথনি উন্নয়নৰ উপৰিও তেওঁ ইংৰাজী মাধ্যমৰ বিদ্যালয়ৰ গুৰুত্ব, আৰু চহৰখনৰ অগ্ৰগতিৰ বাবে দ্ৰুত চৰকাৰী সিদ্ধান্ত গ্ৰহণৰ ওপৰতো আলোকপাত কৰে।
ভাৰতৰ চফটৱেৰ ৰপ্তানিৰ ক্ষেত্ৰত উল্লেখযোগ্য অৰিহণা যোগোৱা বেংগালুৰুৱে স্থানীয় নিয়োগৰ সীমাবদ্ধতাৰ বাবে প্ৰতিভা আহৰণৰ ক্ষেত্ৰত প্ৰত্যাহ্বানৰ সন্মুখীন হৈছে। মূৰ্তিয়ে প্ৰতিভাৰ সম্পদ বৃদ্ধিৰ বাবে ইংৰাজী মাধ্যমৰ বিদ্যালয় স্থাপনৰ প্ৰস্তাৱ আগবঢ়ায়। আন্তঃগাঁথনিৰ সন্দৰ্ভত তেওঁ চৰকাৰক বেংগালুৰু মেট্ৰ’ৰ দৰে প্ৰকল্প ক্ষিপ্ৰতাৰে কৰিবলৈ আহ্বান জনায় আৰু এই খণ্ডত তিনিটা শ্বিফ্টৰ কামৰ প্ৰয়োজনীয়তাৰ ওপৰত গুৰুত্ব আৰোপ কৰে।
যোৱা মাহত নাৰায়ণ মূৰ্তিয়ে ব্যাপক বিতৰ্কৰ সূচনা কৰিছিল যে দেশৰ যুৱক-যুৱতীসকলে ৭০ ঘণ্টীয়া কৰ্মসপ্তাহত লিপ্ত হ’ব লাগে। মূৰ্তিয়ে বিশ্বব্যাপী ভাৰতৰ তুলনামূলকভাৱে কম কৰ্ম উৎপাদনশীলতাৰ ওপৰত আলোকপাত কৰি শেহতীয়া দশকবোৰত অন্য জাতিসমূহে লাভ কৰা সফলতাৰ সৈতে মিল ৰাখিবলৈ দেশৰ কৰ্ম সংস্কৃতিৰ পৰিৱৰ্তনশীলতাৰ প্ৰয়োজনীয়তাৰ ওপৰত গুৰুত্ব আৰোপ কৰিছিল।
Continue Reading
