ডিজিটেল ডেস্কঃ দেশত আজিৰ দিনটোক সামান্য হ্ৰাস পাইছে কোভিডৰ সংক্ৰমণ৷ কালিৰ তুলনাত আজি কোভিডত হোৱা সংক্ৰমণৰ সংখ্যা কিছু কম হোৱা পৰিলক্ষিত হৈছে৷যোৱা ২৪ ঘণ্টাত দেশত ১০,১১২ গৰাকী লোক কোভিডৰ দ্বাৰা সংক্ৰমিত হৈছে। শনিবাৰে, দেশত কোভিড সংক্ৰমণৰ ১২,১৯৩ টা ঘটনা আছিল। অৱশ্যে সংক্ৰমিত লোকৰ মুঠ সংখ্যা বৃদ্ধি পাইছে। দেওবাৰে দেশত মুঠ সংক্ৰমণৰ সংখ্যা আছিল ৬৭,৮০৬ জন বুলি কেন্দ্ৰীয় স্বাস্থ্য মন্ত্ৰালয়ে প্ৰকাশ কৰিছে৷
কেন্দ্ৰীয় স্বাস্থ্য মন্ত্ৰালয়ৰ তথ্য অনুসৰি, যোৱা ২৪ ঘণ্টাত দেশত কোভিড-১৯ ৰ পৰা ৯,৮৩৩ জন লোক আৰোগ্য হৈছে। সংক্ৰমণৰ ক্ষেত্ৰত দিল্লী তালিকাৰ শীৰ্ষত আছে। শনিবাৰে দিল্লীত ১,১৫ গৰাকী লোক কোভিডত সংক্ৰমিত হৈছিল। দিল্লীত ইতিবাচকৰ হাৰ ২৬.৪৬ শতাংশ। ২৪ ঘণ্টাত ৰাজধানীত কোভিড-১৯ত মৃত্যু হৈছে ছয় গৰাকী লোকৰ । মহাৰাষ্ট্ৰই শনিবাৰে ৮৫০ টা নতুন সংক্ৰমণৰ ঘটনা ঘটিছে। ৰাজ্যখনত কোভিডৰ ফলত চাৰিজন লোকৰ মৃত্যু হৈছে।
শুকুৰবাৰে কেন্দ্ৰই আঠখন ৰাজ্য - উত্তৰ প্ৰদেশ, তামিলনাডু, দিল্লী, কেৰালা, হাৰিয়ানা, তামিলনাডু, কৰ্ণাটক আৰু মহাৰাষ্ট্ৰক কোভিড-১৯ৰ প্ৰসাৰ নিয়ন্ত্ৰণ কৰিবলৈ নিৰ্দেশ দিছিল। কেন্দ্ৰই ৰাজ্য কেই খনক কোভিড পৰিস্থিতিৰ ওপৰত তীক্ষ্ণ নজৰ ৰাখিবলৈ কৈছিল। কেন্দ্ৰীয় স্বাস্থ্য সচিব ৰাজেশ ভূষণে এই আঠখন ৰাজ্যৰ প্ৰশাসনলৈ চিঠি লিখি তেওঁলোকক সতৰ্ক হৈ থাকিবলৈ অনুৰোধ জনাইছিল। তেওঁ কৈছিল যে কোভিড পৰিস্থিতি এতিয়াও শাম কটা নাই। সেয়েহে কোভিড বিধিসমূহ অনুসৰণ কৰাৰ ওপৰত গুৰুত্ব দিয়াৰ প্ৰয়োজনীয়া আছে।
Continue Reading
