ডিজিটেল ডেস্ক: পুনেত বাৰ্জে মালৱাডী আৰক্ষীয়ে ৭৯ বছৰীয়া এজন ব্যক্তিৰ সৈতে প্ৰতাৰণা কৰাৰ গোচৰত গ্ৰেপ্তাৰ কৰে এজন লোকক। এইজন ব্যক্তিয়ে অনলাইন ডেটিং এপ্লিকেচনৰ জৰিয়তে ১৭ লাখ ১০ হাজাৰ টকাৰে এজন বৃদ্ধক প্ৰতাৰণা কৰা বুলি কোৱা হৈছে। পাপুলাৰ নগৰৰ এজন বৃদ্ধ ব্যক্তিয়ে যোৱা ১০ নৱেম্বৰত থানাত এজাহাৰ দাখিল কৰিছিল। আৰক্ষীয়ে জনোৱা মতে, ২০২১ চনৰ ডিচেম্বৰৰ পৰা ২০২২ চনৰ জুন মাহলৈকে অভিযোগকাৰীয়ে কেইবাটাও লেনদেনৰ জৰিয়তে অভিযুক্তৰ হাতলৈ প্ৰায় ১৭ লাখ টকা হস্তান্তৰ কৰিছিল।
অভিযোগকাৰী বৃদ্ধজনে কয় যে তেওঁৰ ফোনত এজনী ছোৱালীৰ ফোন আহিছিল। ডেটিং এপৰ জৰিয়তে তেওঁ ছোৱালীৰ লগত বন্ধুত্ব কৰিব পাৰে বুলিও কয়। ইয়াৰ পাছতে তেওঁৰ ফোনত এগৰাকী ছোৱালীৰ ছবি পঠোৱা হয় আৰু তেওঁক টকাখিনি ট্ৰেন্সফাৰ কৰিবলৈ কোৱা হয়। ফোন কৰাজনে অবিৰতভাৱে ধন বৃদ্ধি কৰি থাকিল আৰু অভিযোগকাৰীয়ে এবাৰো সন্দেহ কৰা নাছিল, তেওঁ কোনো প্ৰশ্ন নকৰাকৈয়ে টকাখিনি পঠিয়াই থাকিল।
বৃহৎ পৰিমাণৰ ধন দিয়াৰ পাছত তেওঁক প্ৰতাৰণা কৰা হৈছে বুলি উপলব্ধি কৰি আৰক্ষীক এজাহাৰ দাখিল কৰে।
Continue Reading
