ডিজিটেল ডেস্কঃ বলীউডৰ অভিনেত্ৰী ছাৰা আলী খানে বৰ্তমান তেওঁৰ ছবি জাৰা হাটকে জাৰা বচকেৰ সফলতা উদযাপন কৰি আছে। শেহতীয়াকৈ চিনেমা হলত মুক্তি পোৱা এই ছবিখনে বক্স অফিচত ভাল উপাৰ্জন কৰিছে। এই ছবিখনত ছাৰাৰ সৈতে মুখ্য চৰিত্ৰত দেখা গৈছে বিকি কৌশলক। ছাৰাই পেছাদাৰী জীৱনৰ লগতে ব্যক্তিগত জীৱনৰ বাবেও শিৰোনাম দখল কৰি আছে। প্ৰাপ্ত খৱৰ অনুসৰি ছাৰাই ক্ৰিকেটাৰ শুভমন গীলৰ সৈতে ডেটিং কৰি আছে। ডেটিং খবৰৰ প্ৰতি এতিয়াও কোনো প্ৰতিক্ৰিয়া প্ৰকাশ কৰা নাই ছাৰা বা শুভমনে৷কিন্তু আইতাকৰ দৰে ক্ৰিকেটাৰক বিয়া কৰোৱাৰ কথাত ছাৰাই প্ৰতিক্ৰিয়া প্ৰকাশ কৰিছে।
উল্লেখযোগ্য যে ছাৰা আলী খানৰ আইতাক শৰ্মিলা ঠাকুৰৰ বিবাহ ক্ৰিকেটাৰ মনছুৰ আলী খান পাটাউদীৰ সৈতে হৈছিল। এনে পৰিস্থিতিত শেহতীয়াকৈ এটা সাক্ষাৎকাৰত ছাৰাক সোধা হৈছিল যে তেৱোঁ আইতাকৰ পদাংক অনুসৰণ কৰি ক্ৰিকেটাৰক বিয়া কৰাবনে? ইয়াৰ উত্তৰত ছাৰাই ক’লে – তাইৰ বাবে পেছাৰ কোনো গুৰুত্ব নাই৷ছাৰা আলী খানে ক’লে- সেইজন ব্যক্তি ক্ৰিকেটাৰ বা ব্যৱসায়ী হ’ব পাৰে, কিন্তু তেওঁ মোৰ লগত মানসিক আৰু বৌদ্ধিকভাৱে মিল থকা উচিত। মই ভাবো মই যি ধৰণৰ মানুহ, মোৰ সংগী হ’বলৈ তেওঁ ক্ৰিকেটাৰ, ব্যৱসায়ী, ডাক্তৰ হ’ব লাগিব বুলি মই নাভাবো।
যেতিয়া ছাৰাক সোধা হৈছিল যে তেওঁ বৰ্তমান ভাৰতীয় ক্ৰিকেট দলৰ কাৰোবাৰ লগত ডেটিং কৰি আছে নেকি, তেতিয়া তেওঁ কয় -" মই এতিয়াও সেইজন ব্যক্তিক লগ পোৱা নাই যাৰ লগত তেওঁ থিতাপি ল’ব পাৰে। সঁচা কথা ক’বলৈ গ"লে এই কথা মই সম্পূৰ্ণ বিশ্বাসেৰে ক’ম যে মই এনে এজন সংগীক লগ পোৱা নাই।"
Continue Reading
