ডিজিটেল ডেস্কঃ চকুত ছানগ্লাছ, পিন্ধনত এটা সাধাৰণ টি ছাৰ্ট, দিল্লীৰ ৰাজপথত এনে সাজ পিন্ধিয়েই ঘূৰি ফুৰিছে শ্বাহৰুখ খানে। ছ'চিয়েল মিডিয়াত ভাইৰেল হৈ পৰা ভিডিঅ' চাই এতিয়া আচৰিত হৈ পৰিছে শ্বাহৰুখৰ অনুৰাগীসকল।
প্ৰথমে বহুতে ভাবিছিল যে এয়া হয়তো শ্বাহৰুখৰ সৰু কালৰ পুৰণি ভিডিঅ'।কিন্তু ভিডিঅ’টো মুঠেও পুৰণি নহয়।তেন্তে শ্বাহৰুখৰ এনে অৱস্থা হ’ল কেনেকৈ?
View this post on Instagram
পাঠানৰ পিছৰে পৰা শ্বাহৰুখ বলীউডত পুনৰ বাতৰিৰ শিৰোনামলৈ আহিছে। বলীউডৰ বাদশ্বাহে তেওঁৰ নতুন ছবি 'জৱান'ৰ বাবে প্ৰচাৰ চলাই আছে। ইয়াৰ মাজতে এনে ধৰণৰ ভিডিঅ' ভাইৰেল হোৱাত বহু লোক হতবাক হৈ পৰিছে। বহুতে ভাবিছিল যে হয়তো এয়া শ্বাহৰুখে নতুন ছবিখনৰ বাবে কৰা মেকআপ। কিন্তু এতিয়া ভেদ হৈছে শ্বাহৰুখৰ ভিডিঅ’টোৰ ৰহস্য।দিল্লীৰ ৰাজপথত দেখা শ্বাহৰুখ গৰাকী দৰাচলতে প্ৰকৃত শ্বাহৰুখ খান নহয়, তেওঁ কলকাতাৰ সূৰজ কুমাৰহে। দেখাত শ্বাহৰুখৰ সৈতে ভালেখিনি মিল থকা সূৰজে ঝাৰখণ্ডত বাস কৰে। ভিডিঅ'টো সূৰজৰ ইনষ্টাগ্ৰামৰ পৰা ভাইৰেল হৈ পৰিছে।
প্ৰকৃত শ্বাহৰুখ খানে এতিয়া শ্বুটিঙৰ মজিয়াত ঘন্টাৰ পিছত ঘণ্টা অতিবাহিত কৰিছে। 'জোৱান'ৰ কাম সম্পূৰ্ণ কৰাৰ পিছত তেওঁ 'ডাঙ্কি'ৰ কামত গুৰুত্ব দিছে। শ্বাহৰুখ খানে লগতে এটা ডাঙৰ সিদ্ধান্ত লোৱা বুলিও জানিব পৰা গৈছে । তেওঁ আৰু ব্যক্তিগত জীৱনৰ বিষয়ে কোনো সাক্ষাৎকাৰ নিদিয়াৰ সিদ্ধান্ত লৈছে।২০২১ চনত ড্ৰাগছৰ গোচৰত তেওঁৰ পুত্ৰ আৰিয়ান খানক গ্ৰেপ্তাৰ কৰাৰ পিছতে কিং খান বিধ্বস্ত হৈ পৰিছিল।
Continue Reading
