ডিজিটেল ডেস্কঃ বিশ্বকাপৰ ফাইনেলত নমাৰ পূৰ্বে দেউতাক লিঅ’নেল মেছিৰ প্ৰতি আৱেগিক চিঠি লিখিলে ডাঙৰ পুত্ৰ থিয়াগ’ মেছিয়ে। আৰ্জেণ্টিনাক তৃতীয়বাৰৰ বাবে বিশ্ব চেম্পিয়ন কৰাবলৈ অনুৰোধ জনাইছে থিয়াগোৱে।
“আৰ্জেণ্টিনাৰ সকলো জনতাই কেৱল তোমাৰ ফালে চাই ৰৈ আছে। দেউতা, তুমিয়েই তেওঁলোকৰ আশা-ভৰসা।”- থিয়াগোৱে লিখে।
থিয়াগোৰ চিঠিৰ কথা প্ৰকাশ কৰিছে মেছিৰ পত্নীৰ আন্তোনেল্লাই। দেউতাকলৈ লিখা চিঠিত থিয়াগোৱে আৰ্জেণ্টিনাৰ এটা জনপ্ৰিয় তথা অনুপ্ৰেৰণামূলক গানৰ কথা উল্লেখ কৰিছে।
উল্লেখ্য যে বিশ্বকাপৰ আৰম্ভণিৰে পৰা তিনিওটি সন্তানক লৈ গেলেৰীত বহি খেল উপভোগ কৰিছে আন্তোনেল্লাই। স্বামী লিঅ’নেলৰ স’তে ভগাই লৈছে আনন্দ উল্লাস
উল্লেখ্য যে ১৯৭৮ আৰু ১৯৮৬ চনৰ পৰা বিশ্বকাপ জয় কৰিব পৰা নাই আৰ্জেণ্টিনাই। ১৯৯০ আৰু ২০১৪ চনত ফাইনেলত উঠিলেও পৰাজীত হয় ডিয়েগ’ মাৰাডোনাৰ দেশখন। এইবাৰ যাতে অলপো ভুল নহয়, তাৰবাবে অনুৰাগীসকলে বাট চাইছে।
Continue Reading
