ডিজিটেল ডেস্কঃ ধাৰ মাৰিবৰ বাবে টকা যোগাৰ কৰিব নোৱাৰি এটি ৮ বছৰীয়া শিশুক অপহৰণ কৰি তাৰপাছত হত্যা কৰে এজন যুৱকে। এই চাঞ্চল্যকৰ হত্যাকাণ্ড সংঘটিত হৈছে ঝাৰখণ্ডৰ ৰাঁচীৰ বৰিয়াটু থানা এলেকাৰ এদালহাটুত। হত্যাকাৰীজনৰ পৰিচয় সঞ্জীৱ পাণ্ডা ওৰফে সঞ্জু বুলি জানিব পৰা গৈছে। হত্যাৰ বলি হোৱা ৮ বছৰীয়া শিশুটিৰ নাম আছিল শৌৰ্য। হত্যাকাৰী ২৭ বছৰীয়া সঞ্জু পূৰ্বে শৌৰ্যহঁতৰ ঘৰত ভাড়াতীয়া হিচাপে বাস কৰিছিল।
আৰক্ষী কিশোৰ কৌশলে কয় যে ধৃত অভিযুক্ত সঞ্জু পাণ্ডাই শৌৰ্যক অপহৰণ কৰাৰ এঘণ্টাৰ পাছতে ধৰা পৰাৰ ভয়ত হত্যা কৰিছিল। সঞ্জুৱে শৌৰ্যৰ পিতৃ ৰাজু গোপেৰ ঘৰত ভাড়াতীয়া হিচাপে থাকোতে পুত্ৰ শৌৰ্যকে ধৰি সমগ্ৰ পৰিয়ালটোৰ লগত মিলি গৈছিল। সকলোৱে সঞ্জুক আপোন কৰি লৈছিল।
জ্যেষ্ঠ আৰক্ষী অধীক্ষকে জনোৱা মতে, সঞ্জুৰ বহুত ধাৰ আছিল আৰু তেওঁক প্ৰয়োজন হৈছিল পাঁচ লাখ টকা। বিষয়াগৰাকীয়ে কয় যে ধাৰ মাৰিবৰ বাবে সঞ্জুৱে শৌৰ্য্যক অপহৰণ কৰি পিতৃৰ পৰা ১৫-২০ লাখ টকাৰ মুক্তিপণ দাবী কৰাৰ ষড়যন্ত্ৰ কৰিছিল। শৌৰ্য্যই ঘৰৰ পৰা ওচৰৰ দোকানলৈ গৈছিল কিছু বস্তু কিনিবৰ বাবে আৰু এই সময়ছোৱাতে সঞ্জুৱে শৌৰ্যক অপহৰণ কৰিছিল। আৰক্ষীয়ে জনোৱা মতে, শৌৰ্যই সেইসময়তে হুলস্থুল কৰিবলৈ আৰম্ভ কৰে আৰু ধৰা পৰাৰ ভয়ত শিশুটিক হত্যা কৰি পলায়ন কৰে সঞ্জুৱে। মৃতদেহটো ইটাৰে বান্ধি পানীত পেলাই দিয়ে সঞ্জুৱে। আৰক্ষীয়ে ইতিমধ্যে গ্ৰেপ্তাৰ কৰিছে হত্যাকাৰী সঞ্জুক।
Continue Reading
