ডিজিটেল ডেস্কঃ আশ্ৰাফুল আলম ওৰফে হিৰো আলম বাংলাদেশৰ অন্যতম জনপ্ৰিয় চৰিত্ৰ। বিভিন্ন কাৰণত তেওঁৰ নাম শিৰোনামত থাকে। কেতিয়াবা বেসুৰ গোৱাৰ বাবে, কেতিয়াবা উপ-নিৰ্বাচনত প্ৰাৰ্থী হোৱাৰ বাবে।
আকৌ শিৰোনামত আহিছে আলমৰ নাম। কিন্তু এইবাৰ কাৰণটো অলপ বেলেগ। মঙলবাৰে তেওঁ নিজৰ ফেচবুকত ব্যক্তিগত মুহূৰ্ত শ্বেয়াৰ কৰে। ছবিখনত নিজৰ প্ৰতিমূৰ্তিৰ কাষত থিয় হৈ থকা দেখা গৈছে।
ঢাকা বিশ্ববিদ্যালয়ৰ চাৰু কলা বিভাগৰ ছাত্ৰই নিৰ্মাণ কৰিছে হিৰো আলমৰ প্ৰতিমূৰ্তি। সেইটো দেখি তেওঁ আনন্দিত হৈ পৰিছে। হিৰো আলমে নিজৰ মূৰ্তিৰ সৈতে এখন চেলফি পোষ্ট কৰে।
সেইটো পোষ্ট কৰি তেওঁ লিখিছে, "মোৰ ভাস্কৰ্য্যটো ঢাকা বিশ্ববিদ্যালয়ত নিৰ্মাণ কৰা হৈছে।"
ঢাকা বিশ্ববিদ্যালয়ৰ চাৰু কলা বিভাগৰ ছাত্ৰ উত্তম কুমাৰে নায়ক আলমৰ ভাস্কৰ্য নিৰ্মাণ কৰে। ছাত্ৰগৰাকীয়ে বাংলাদেশৰ এটা সংবাদ মাধ্যমৰ আগত কয়- ''২০১৮ চনত মই নায়ক আলমৰ চৰিত্ৰটোক ষ্টাডী ৱৰ্ক হিচাপে লৈ এটা ভাস্কৰ্য নিৰ্মাণ কৰিছিলো। আনন্দৰ বাবে এয়া কৰিছিলো।’’
ভাস্কৰ্যৰ ছাত্ৰগৰাকীয়ে কয়- ''হিৰো আলমক চৰিত্ৰ হিচাপে গ্ৰহণ কৰাৰ কাৰণ হ’ল তেওঁৰ চেহেৰাত কিবা এটা আছে, যিটো আমি ভাস্কৰ্য শিল্পীসকলে বৰ ভাল পাওঁ। সাধাৰণ মানুহৰ সেইটো নাথাকে।’’
