ডিজিটেল ডেস্কঃ চলি আছে বিশ্বকাপ। কোনটো চাৰিটা দলে ছেমি ফাইনেলত খেলিব সেয়া এতিয়াও নিৰ্ণয় হোৱা নাই। কিন্তু ইয়াৰ মাজতে আন এক প্ৰতিদ্বন্দিতা আৰম্ভ হৈছে। চেম্পিয়নছ ট্ৰফীৰ বাবে যোগ্যতা অৰ্জনৰ বাবে যুঁজ। আফগানিস্তানে ইতিমধ্যে ২০২৫ চনৰ চেম্পিয়নছ ট্ৰফীত স্থান নিশ্চিত কৰি লৈছে।
সোমবাৰে শ্ৰীলংকা পৰাস্ত হোৱাৰ সময়তে আফগানিস্তানৰ চেম্পিয়নছ ট্ৰফী খেলখন নিশ্চিত হয়। বিশ্বকাপৰ মাজত আইচিচিয়ে উল্লেখ কৰিছে যে চেম্পিয়নছ ট্ৰফীৰ বাবে যোগ্যতা অৰ্জন কৰিবলৈ হ’লে বিশ্বকাপ লীগ টেবুলৰ শীৰ্ষ সাতটা স্থানত অন্ত পেলাব লাগিব।
চেম্পিয়নছ ট্ৰফী হ’ব ২০২৫ চনত। সেই প্ৰতিযোগিতা পাকিস্তানত অনুষ্ঠিত হোৱাৰ কথা। আয়োজক দেশ হিচাপে খেলিব পাকিস্তানে। আৰু ৭টা দলে চেম্পিয়নছ ট্ৰফীত খেলাৰ সুযোগ পাব।
আফগানিস্তানে প্ৰথমবাৰৰ বাবে চেম্পিয়নছ ট্ৰফী খেলিব। আফগানিস্তানে কেতিয়াও চেম্পিয়নছ ট্ৰফীৰ বাবে যোগ্যতা অৰ্জন কৰা নাই। প্ৰথমবাৰৰ বাবে এই প্ৰতিযোগিতাত খেলিব। ৰছিদ খান সেয়ে এই অৰ্হতা লাভ কৰি অতি সুখী। আফগানিস্তানে লাহে লাহে ক্ৰিকেটৰ জগতখনত নিজৰ স্থান দখল কৰিবলৈ সক্ষম হৈছে।
