ডিজিটেল ডেস্কঃ সংখ্যালঘুৰ উন্নয়ন আৰু সুৰক্ষাৰ নীতিৰ ক্ষেত্ৰত ভাৰতৰ সংখ্যালঘু নীতিয়ে আন দেশৰ বাবে এক উদাহৰণ হিচাপে পৰিগণিত হৈছে৷ ধৰ্মীয় সংখ্যালঘুৰ গ্ৰহণযোগ্যতাৰ ক্ষেত্ৰত আমেৰিকা যুক্তৰাজ্য, দক্ষিণ কোৰিয়া, জাপান, পানামা আৰু ভাৰত হৈছে ১১০ খন ৰাষ্ট্ৰৰ ভিতৰত শীৰ্ষ পাঁচখন দেশ৷
শেহতীয়া এক প্ৰতিবেদনত এই কথা প্ৰকাশ পাইছে৷ চেণ্টাৰ ফৰ পলিচী এনালাইচিছ (চিপিএ)ই প্ৰকাশ কৰা প্ৰতিবেদন অনুসৰি তালিকাত মালদ্বীপ, আফগানিস্তান আৰু চোমালিয়া তলৰ পিনে আছে৷ ব্ৰিটেইন আৰু সংযুক্ত আৰব গণৰাজ্যৰ স্থান হৈছে ক্ৰমান্বয়ে ৫৪ আৰু ৬১। তালিকাৰ প্ৰথম স্থানতে আছে ভাৰত৷ প্ৰতিবেদন খনত কোৱা হৈছে যে ভাৰতক বাদ দি আন দেশ কেইখনৰ ভাষিক আৰু ধৰ্মীয় সংখ্যালঘুসকলৰ সুৰক্ষাৰ বাবে সংবিধানত কোনো স্পষ্ট নীতিৰ কথা উল্লেখ নাই।
চেণ্টাৰ ফৰ পলিচী এনালাইচিছ (চিপিএ)ৰ মতে সেয়ে ভাৰত ধৰ্মীয় সংখ্যালঘুসকলৰ উন্নয়নৰ ব্যৱস্থাৰ বাবে ১১০ খন দেশৰ ভিতৰত শীৰ্ষ স্থানত আছে। আমেৰিকা যুক্তৰাজ্য, দক্ষিণ কোৰিয়া, জাপান, পানামা আৰু ভাৰত হৈছে ধৰ্মীয় সংখ্যালঘুসকলৰ উন্নয়নৰ ক্ষেত্ৰত ১১০ খন দেশৰ ভিতৰত শীৰ্ষ পাঁচখন দেশ। উল্লেখ্য চি.পি.এ. হৈছে এটা আন্তৰ্জাতিক গৱেষণা সংস্থা।সংস্থাটোৰ মতে ভাৰতৰ সংবিধানে সংস্কৃতি আৰু শিক্ষা দুয়োটাতে ধৰ্মীয় সংখ্যালঘুসকলক উৎসাহিত কৰি আহিছে। প্ৰতিবেদনখনে দাবী কৰা হৈছে যে ভাষিক আৰু ধৰ্মীয় সংখ্যালঘুসকলৰ উন্নয়নৰ বাবে আন কোনো সংবিধানত স্পষ্ট নীতি নাই।
Continue Reading
