ডিজিটেল ডেস্ক: দেশৰ প্ৰখ্যাত অভিনেতা ৮৬ বছৰীয়া ধৰ্মেন্দ্ৰই কিছু শাৰীৰিক অসুস্থতাত ভোগা হেতুকে যোৱা সপ্তাহত মুম্বাইৰ এখন ব্যক্তিগত চিকিৎসালয়ত ভৰ্তি হ’বলগীয়া হৈছিল৷ কালি ধৰ্মেন্দ্ৰৰ পৰিয়ালৰ সূত্ৰই জনোৱা তথ্য অনুসৰি অভিনেতাগৰাকী এতিয়া সুস্থ হৈ ঘৰলৈ উভতি

Listen to Article

2 min read

80%

ডিজিটেল ডেস্ক: দেশৰ প্ৰখ্যাত অভিনেতা ৮৬ বছৰীয়া ধৰ্মেন্দ্ৰই কিছু শাৰীৰিক অসুস্থতাত ভোগা হেতুকে যোৱা সপ্তাহত মুম্বাইৰ এখন ব্যক্তিগত চিকিৎসালয়ত ভৰ্তি হ’বলগীয়া হৈছিল৷ কালি ধৰ্মেন্দ্ৰৰ পৰিয়ালৰ সূত্ৰই জনোৱা তথ্য অনুসৰি অভিনেতাগৰাকী এতিয়া সুস্থ হৈ ঘৰলৈ উভতিছে৷ জানিব পৰা মতে, অভিনেতাগৰাকীৰ পিঠিৰ বিষ হৈছিল, যাৰ বাবে তেওঁক চিকিৎসালয়ত ভৰ্তি কৰোৱা হৈছিল। তেওঁ এতিয়া ভালে আছে। বৰ্তমান চিন্তা কোনো কৰণ নাই।

আনহাতে, দীৰ্ঘদিন পৰ্দাৰ পৰা আঁতৰি থকাৰ পাছত ধৰ্মেন্দ্ৰই কৰণ জোহৰৰ ‘ৰকী ঔৰ ৰাণী কী প্ৰেম কাহানী’ৰ সৈতে প্ৰত্যাৱৰ্তন কৰিব। আলিয়া ভট্ট-ৰণবীৰ সিঙৰ ছবিখনত জয়া বচ্চন আৰু শ্বাবানা আজমীয়েও অভিনয় কৰিব।

কালি নিশা হাস্পতালৰ পৰা চিকিৎসকে ঘৰলৈ যাবলৈ অনুমতি দিয়াৰ পাছত ধৰ্মেন্দ্ৰই চিকিৎসালয়ত পোৱা শিকনিটো ইনষ্টাগ্ৰামত শ্বেয়াৰ কৰিছে৷ তেওঁ কৈছে, এতিয়া মই অতি আগতকৈও সাৱধান হ’ম৷ তেওঁ লগতে কৈছিল যে এজন ব্যক্তিয়ে কামবোৰ অত্যাধিক কৰিব নালাগে আৰু নিজৰ সীমা জানিব লাগিব।

ইনষ্টাগ্ৰামত ভিডিঅ’টো শ্বেয়াৰ কৰি ধৰ্মেন্দ্ৰই লিখিছিল, বন্ধুসকল, কামবোৰ অত্যাধিক নকৰিব৷ আপোনাৰ সীমাবোৰ জানো, মই এইটো কৰিছিলোঁ আৰু মোৰ পাঠ শিকিছিলোঁ৷

অভিনেতাজনক তেওঁৰ অনুৰাগীসকলক বাৰ্তা দিবলৈ চকী এখনত বহি থকাৰ সময়ত মাফলাৰ আৰু টুপী পৰিধান কৰি থকা দেখা গৈছিল। তেওঁ ভিডিঅ’টোত নিজকে দেখুৱাই কৈছিল, বন্ধুসকল, একো নকৰিব। মই এইটো কৰিছিলোঁ আৰু পিছফালে এটা ডাঙৰ পেশী টানিছিলোঁ। গতিকে মই দু-চাৰি দিনৰ বাবে চিকিৎসালয়লৈ যাব লগা হৈছিল। এইটো কঠিন আছিল। যি কি নহওক মই আপোনালোকৰ শুভকামনা, আশীৰ্বাদ লৈ উভতি আহিছোঁ। গতিকে চিন্তা নকৰিব। এতিয়া মই অতি সাৱধান হ’ম। আপোনালোক সকলোকে ভাল পাওঁ৷

ধৰ্মেন্দ্ৰৰ এই ভিডিঅ’টো এতিয়া ইনষ্টাগ্ৰামত ভাইৰেল হৈ পৰিছে৷ একেসময়তে, প্ৰখ্যাত অভিনেতাগৰাকীৰ আশু আৰোগ্য কামনা কৰিছে অনুৰাগীয়ে৷