ডিজিটেল ডেস্কঃ এজন উদ্যোগী ব্যৱসায়ী!বছৰি ২০ লাখ মাৰ্কিন ডলাৰ খৰচ কৰি নিজৰ শৰীৰটোক বায়’-হেক কৰি বয়স বৃদ্ধি নোহোৱা কৰি তোলাৰ দাবী কৰা আমেৰিকাৰ উদ্যোগী তথা কোটিপতি ব্ৰায়ান জনছনে কয় যে তেওঁ প্ৰতিদিনে ১১১টা বড়ি সেৱন কৰে।
টাইমক দিয়া এক সাক্ষাৎকাৰত ৪৬ বছৰীয়া কোটিপতিগৰাকীয়ে লগতে প্ৰকাশ কৰে যে তেওঁ নিজৰ স্বাস্থ্য নিৰীক্ষণ আৰু বয়স বৃদ্ধি বিৰোধী প্ৰক্ৰিয়া অনুসৰণ কৰিবলৈ কেইবাটাও যন্ত্ৰ ব্যৱহাৰ কৰে। ব্ৰায়ানে ব্লুপ্ৰিণ্ট নামৰ জীৱন সম্প্ৰসাৰণ ব্যৱস্থা এটা গঢ়ি তোলাৰ মিছনত আগবাঢ়িছে, য’ত তেওঁ নিজৰ শৰীৰৰ সৈতে জড়িত প্ৰতিটো সিদ্ধান্ত চিকিৎসকৰ এটা দলক আউটচ’ৰ্চ কৰে, যিয়ে তথ্য ব্যৱহাৰ কৰি তেওঁৰ “জৈৱিক বয়স” বুলি কোৱা বয়সটো হ্ৰাস কৰিবলৈ কঠোৰ স্বাস্থ্য ব্যৱস্থা প্ৰস্তুত কৰে।
প্ৰতিদিনে ১১১টা বড়ি খোৱাৰ উপৰিও তেওঁ বেছবল কেপ পিন্ধে। তেওঁ নিজৰ মলৰ নমুনাও সংগ্ৰহ কৰি লিংগত সংলগ্ন সৰু জেট পেক এটা লৈ শুই থাকে। সাক্ষাৎকাৰটোত তেওঁ কয় যে বয়স বৃদ্ধি ত্বৰান্বিত কৰা যিকোনো কামক তেওঁ – যেনে কুকিজ খোৱা, বা আঠ ঘণ্টাৰ কম শুই থকা – “হিংসাত্মক কাৰ্য” বুলি কয়।তেওঁৰ লক্ষ্য, তেওঁৰ ৪৬ বছৰীয়া অংগবোৰক ১৮ বছৰীয়া অংগৰ দৰে দেখা আৰু কাম কৰোৱা। তেওঁ লগতে কয় যে তেওঁৰ চিকিৎসকে সংকলন কৰা তথ্যৰ পৰা অনুমান কৰিব পাৰি যে ব্লুপ্ৰিণ্টে এতিয়ালৈকে তেওঁক এজন ৩০ বছৰীয়া ব্যক্তিৰ দৰে হাড় দিছে, আৰু এজন ৩৭ বছৰীয়া ব্যক্তিৰ দৰে হৃদপিণ্ড দিছে।
তেওঁৰ ৰাতিপুৱাৰ ৰুটিনত ২-৩ মিনিটৰ বাবে লাইট থেৰাপি লেম্প (যিটোৱে ৰ’দৰ সংস্পৰ্শৰ অনুকৰণ কৰে) জ্বলোৱা আৰু কাণৰ ভিতৰৰ উষ্ণতা গ্ৰহণ কৰি শৰীৰৰ পৰিৱৰ্তন নিৰীক্ষণ কৰা কাৰ্যটো অন্তৰ্ভুক্ত। তাৰ পিছত তেওঁ আইৰণ বৃদ্ধিৰ বাবে দুটা বড়ি ফেৰিটিন খায়, লগতে কিছু পৰিমাণে ভিটামিন চি গ্ৰহণ কৰে।এই সকলোবোৰ তেওঁ নিজৰ "জৈৱিক বয়স" হ্ৰাস কৰিবলৈ মানি চলা কঠোৰ খাদ্য আৰু জীৱনশৈলীৰ ৰুটিনৰ অংশ।
Continue Reading
