ডিজিটেল ডেস্ক: দেশৰ ধনাঢ্য উদ্যোগপতি মুকেশ আম্বানী আৰু নীতা আম্বানীৰ একমাত্ৰ কন্যা হ’ল ঈশা আম্বানী৷ আম্বানী পুত্ৰ আকাশ আম্বানী আৰু ঈশা আম্বানী হৈছে যমজ৷ উল্লেখ্য যে ইতিমধ্যে আকাশ আম্বানী শ্লোকা মেহতাৰ সৈতে বিবাহপাশত আৱদ্ধ হৈছে আৰু আনজন আম্বানী পুত্ৰ অনন্ত আম্বানীয়ে ৰাধিকা মাৰ্চেণ্টৰ সৈতে বাগদান সম্পন্ন কৰিছে।
মুম্বাইত ১৯৯১ চনৰ ২৩ অক্টোবৰত জন্ম হৈছিল ঈশাৰ। ঈশাই মুম্বাইৰ ধীৰুভাই আম্বানী আন্তঃৰাষ্ট্ৰীয় বিদ্যালয়ৰ পৰা স্কুলীয়া শিক্ষা গ্ৰহণ কৰিছিল।
ঈশাই আমেৰিকাৰ য়েল বিশ্ববিদ্যালয়ৰ পৰা স্নাতক ডিগ্ৰী লাভ কৰিছিল। তেওঁ ষ্টেনফৰ্ড বিশ্ববিদ্যালয়ৰ পৰা এমবিএ ডিগ্ৰী সম্পূৰ্ণ কৰিছিল। ২০১৮ চনত, বিশ্বপ্ৰসিদ্ধ আলোচনী ফৰ্বছে দিয়া ঈশাৰ অনুমানিক সম্পত্তিৰ মূল্য ৭০ নিযুত ডলাৰ। আজিৰ দিনতত এই মূল্য ৫০০ কোটি টকাৰ অধিক হ'ব। ঈশাই ২৩ বছৰ বয়সত দেউতাক মুকেশ আম্বানীৰ ব্যৱসায়ত যোগদান কৰিছিল। ২০২০ চনত, তেওঁ ৰিলায়েন্স ৰিটেইল আৰু ৰিলায়েন্স জিঅ'ৰ বৰ্ডত যোগদান কৰে।
২০১৬ চনত, ঈশাৰ নিৰ্দেশনাতে, কোম্পানীটোৱে ৰিলায়েন্স ৰিটেইলৰ ই-কমাৰ্চ আৰু ফেশ্বন প্লেটফৰ্ম আজিঅ' মুকলি কৰে।
এইগৰাকী ঈশাই শৈশৱকালত এগৰাকী শিক্ষয়িত্ৰী হ'ব বিচাৰিছিল। কিন্তু ঈশাৰ সেই সপোন বাস্তৱত ৰূপায়িত নহ’ল৷
ঈশা আম্বানীয়ে দেশৰ যুৱ উদ্যোগী আনন্দ পিৰামলৰ সৈতে বিবাহ পাশত আৱদ্ধ হৈছে৷ আনন্দ পিৰামলৰ দেউতাক অজয় পিৰামলে পিৰামল গোটৰ নেতৃত্ব দিয়ে যাৰ মুঠ মূল্য হৈছে ২৫,০০০ কোটি টকা।
বৰ্তমান ঈশা আম্বানী মুম্বাইত অৱস্থিত এটা বাংলোত বাস কৰে যাৰ মূল্য প্ৰায় ৪৫০ কোটি টকা।
Continue Reading
